परभणीत भीषण अपघाताची घटना घडली आहे. दोन भरधाव कारची समोरासमोर आल्याने धडक झाली. या धडकेत कारचा चक्काचूर झाला. या घटनेत दोन महिला आणि एका चालकाचा जागीच मृत्यू झाला. तर, एक व्यक्ती गंभीर जखमी असल्याची माहिती आहे. सध्या त्या व्यक्तीवर खासगी रूग्णालयात उपचार सुरू आहेत.

मिळालेल्या माहितीनुसार, ही अपघाताची घटना ६ डिसेंबर रोजी मध्यरात्रीच्या सुमारास घडली. परभणी- वसमत मार्गावरील रहाटी परिसरात दोन कारचा भीषण अपघात घडला. २ भरधाव कारची समोरासमोर धडक झाली. कारचा अक्षरश: चुराडा झाला. या भीषण धडकेत दोन महिलांसह एका कारचालकाचा जागीच मृत्यू झाला. तर, एक जण गंभीर जखमी असल्याची माहिती आहे.

हा अपघात परभणी जिल्ह्यातील ताडकळस पोलिस ठाण्याच्या हद्दीत झाल्याने, ताडकळस पोलिसांनी घटनास्थळी धाव घेतली. पोलिसांनी मृतदेह ताब्यात शवविच्छेदनासाठी रूग्णालयात पाठवले. तसेच जखमी व्यक्तीला उपचारासाठी रूग्णालयात दाखल केले. सध्या जखमीवर परभणीतील खाजगी रुग्णालयात उपचार सुरू आहेत.

मिळालेल्या माहितीनुसार, मृतांमध्ये दोन महिला आणि पुरूषाचा समावेश आहे. मृतांपैकी दोघेही वसमत तालुक्यातील आरळ येथील रहिवासी असल्याची माहिती आहे. तर, एक पिंगळी (ता. परभणी) गावातील रहिवासी असल्याची माहिती आहे. प्राथमिक माहितीनुसार, वसमत तालुक्यातील आरळ गावातून ते एका रूग्णाला रात्री परभणीकडे जात होते. दरम्यान, समोरून येणाऱ्या भरधाव कारने जोरदार धडक दिली.

जोरदार कारला धडक दिल्यानं हा भीषण अपघात घडला. या घटनेनंतर परिसरात खळबळ उडाली असून, सध्या पोलिसांकडून अधिक तपास सुरू आहे.