- कैलास चाैधरी

उस्मानाबाद : वाळूचा व्यवसाय सुरु ठेवण्यासाठी प्रति महा एक लाख 10 हजार रुपयांची मागणी केल्यानंतर तडजाेडी अंती प्रांताधिकारी मनीषा अरुण राशिनकर यांना 90 हजार रुपये तसेच कोतवाल विलास नरसींग जानकर यास 20 हजार रुपये देण्याचे निश्चित झाले हाेते. त्यानूसार तक्रारदाराकडून काेतवाल जानकर याला 20 हजार रुपये स्विकारताना bribe लाचलुचपत प्रतिबंधक विभागाने रंगेहाथ पकडले. दरम्यान प्रांताधिकारी राशिनकर आणि काेतवाल यांना पाेलिसांनी ताब्यात घेतले आहे. (acb-raids-usmanabad-manisha-raishnkar-vilas-jankar-bribe-sml80)

उस्मानाबाद जिल्ह्यातील भुम येथे प्रांताधिकारी मनीषा राशिनकर कार्यरत आहेत. परंडा तालुक्यातील जेकटेवाडी येथील वाळू वाहतूक करणाऱ्या विक्रेत्यास वाळूचा व्यवसाय चालू करण्यासाठी पैशाची मागणी करण्यात आली.

वाळू वाहतुकीचा टिप्पर, जेसीबी व तीन ट्रक्टर हे विना कारवाई वाळू वाहतुकीसाठी चालू ठेण्यासाठी राशनिकर यांनी तक्रारदारास एक लाख 10 हजार रुपये प्रतिमहिना द्यावे लागतील असे सांगितले हाेते. तक्रारदाराने तडजाेडी अंती राशनिकरांना 90 हजार रुपये तर कोतवाल जानकर यास 20 हजार रुपये देण्याचे ठरवले.

तक्रारदाराने लाच लुचपत प्रतिबंधक विभागास याबाबतची माहिती दिली. त्यानंतर पोलिस उपअधीक्षक (लाच लुचपत प्रतिबंधक विभाग) प्रशांत संपते यांच्या मार्गदर्शनाखाली सापळा रचला. काेतवाल जानकर यास 20 हजार रुपयांची लाच स्विकारताना पकडण्यात आले. ही कारवाई पोलिस निरिक्षक गौरिशंकर पाबळे, अंमलदार दिनकर उगलमुगले, विष्णू बेळे, विशाल डोके यांच्या पथकाने केली. मनिषा राशनिकर आणि विलास जानकर यांच्यावर या प्रकरणी भुम पाेलिस ठाणे येथे गुन्हा दाखल करण्यात आला आहे.

Edited By : Siddharth Latkar