- कैलास चाैधरी

Tuljapur News : तुळजापूर (tuljapur) तालुक्यातील सिंदफळ शिवारातील तीन एकर शेत जमीन 'अ' कृषी करण्याच्या मागणीसाठी शेतकऱ्याकडून (farmer) दीड लाख रुपयांची लाच स्वीकारताना लाचलुचपत प्रतिबंधक विभागाने (एसीबी) सहाय्यक नगर रचनाकार (town planning officer) यास रंगेहाथ पकडले. या प्रकरणात तक्रारदाराकडे पाच लाखांची मागणी करण्यात आली हाेती. (Maharashtra News)

याबाबत अधिक माहिती अशी - शेतकऱ्याने शेत जमीन अ कृषी करण्यासाठी अर्ज केला होता. त्यानूसार कार्यवाही करण्यासाठी शेतक-याकडे सहा लाख रुपयांची मागणी करण्यात आली. तसेच तडजोडीअंती पाच लाख रुपये देण्याचे ठरले.

यात पहिला हप्ता म्हणून दीड लाख रुपयांचा स्वीकारताना एसीबीने सहाय्यक नगर रचनाकार मयूर केंद्रे यास पकडले. लातूर उत्पद पोलीस उपाध्यक्ष सिद्धाराम म्हेत्रे यांच्या पथकाने ही कारवाई केली. या प्रकरणी न्यायालयाने मयूर केंद्र यास दोन दिवसांची पोलीस कोठडी सुनावली आहे.

Edited By : Siddharth Latkar