सचिन जाधव

Abhijit Bichukale On Kasha Election - कसबा विधानसभा मतदारसंघाच्या आमदार मुक्ता टिळक आणि चिंचवड विधानसभा मतदारसंघाचे आमदार लक्ष्मण जगताप यांचे निधन झाल्याने या दोन्ही जागांसाठी आज पोटनिवडणूक होत आहे.

अभिजीत बिचुकले यांनी काल (२५ फेब्रुवारी) निवडणूक आयोगाच्या कार्यालयात धाव घेत कसबा पोटनिवडणूक रद्द करण्याची मागणी केली होती. याबाबत त्यांनी निवडणुक आयोगाला तसे पत्रही दिले होते. त्यानंतर आज अभिजीत बिचकुले यांनी माझ्याकडे पैसे नाहीत त्यामुळे मला हलक्यात घेतात असे विधान केले आहे.

कसबा (Kasba) पोटनिवडणुकीसाठी अभिजीत बिचकुले (Abhijeet Bichukale) अपक्ष उमेदवार म्हणून उभे आहे. यावेळी त्यांनी टर्न आणि ट्विस्ट लवकरच कळेल असा आत्मविश्वास त्यांनी व्यक्त केला आहे. मतदारांनी जर शहाणपणाने मतदान केलं तर नर माझ्यासारखे उमेदवार विधानसभेत निवडून जाणार नाहीत, माझ्याकडे पैसे नाहीत त्यामुळे मला सर्वे हलक्यात घेतात असं देखील बिचुकले यावेळी म्हणाले.

"काल मी पैसे वाटप केले जात असल्याने निवडणूक प्रक्रिया थांबवयाल हवी होती अशी मागणी केली होती. मी अपक्ष उमेदवार असताना सुद्धा मला निवडणुकीचा कायदा आणि निवडणुकीची नियमावली मला माहित आहे. तिकडे भाजप (Bjp) आणि काँग्रेस आरोप करत आहेत आचारसंहिता भंग झाला आहे त्यामुळे त्यावर कारवाई व्हायला हवी आणि ही निवडणूक रद्द व्हायला हवी" अशी मागणी बिचुकले यांनी केली आहे.

दरम्यान, आज सकाळी सात ते सायंकाळी सहा या वेळेत दोन्ही मतदारसंघासाठी मतदान प्रक्रिया पार पडणार आहे. कसबा पोटनिवडणुकीत एकूण १६ आणि चिंचवड पोटनिवडणुकीत एकूण २८ उमेदवार निवडणूक रिंगणात आहेत. त्यामुळे या निवडणुकीची रंगत अधिकच वाढल्याने त्याकडे संपूर्ण राज्याचं लक्ष लागलं आहे.