Sanjay Raut : 'स्वातंत्र्यवीर सावरकर यांना भारतरत्न देण्याची मागणी केल्यावर....'; संजय राऊतांचा मोदी सरकारवर घणाघात

संजय राऊत यांनी सत्ताधाऱ्यांवरही टीकास्त्र सोडलं.
Sanjay Raut
Sanjay Rautsaam tv

Sanjay Raut News : आज विनायक दामोदर सावरकर यांचा स्मृतीदिन आहे. सावरकर यांच्या स्मृतीदिनानिमित्त संजय राऊत यांनी त्यांच्या आठवणींना स्मरण करत बाळासाहेबांच्याही स्मृतींना उजाळा दिला. यावेळी संजय राऊत यांनी सत्ताधाऱ्यांवरही टीकास्त्र सोडलं. 'आम्ही स्वातंत्र्यवीर सावरकर यांना भारतरत्न देण्याची मागणी केली की, यांच्या तोंडाला फेस येतो' अशी टीका राऊत यांनी सत्ताधाऱ्यांवर केली. (Latest Marathi News)

खासदार संजय राऊत (Sanjay Raut) यांनी मुंबईत प्रसारमाध्यमांशी संवाद साधला. यावेळी त्यांनी मोदी सरकारवर घणाघात केला. संजय राऊत म्हणाले, 'स्वातंत्र्यवीर सावरकर हे हिंदुहृदयसम्राट होते. त्यांना भारतरत्न देऊन केंद्र सरकारने त्यांचा खरा गौरव करावा. आम्ही मागणी केली की यांच्या तोंडाला फेस येतो'.

Sanjay Raut
CM Eknath Shinde : अर्थसंकल्पीय अधिवेशनापूर्वी विरोधकांना प्रत्युत्तर देण्यासाठी मुख्यमंत्र्यांनी बोलावली बैठक; कशी असेल शिंदे सरकारची रणनीती?

'देशात क्रांतीची मशाल पेटवणारे महान क्रांतिकारक सावरकर हे बाळासाहेब ठाकरेंचे प्रेरणास्थान होते. वीर सावरकर यांचा देशात वारंवार अपमान करणाऱ्यांना उत्तर द्यायचं असेल तर त्यांना भारतरत्न देऊन त्यांना सन्मानित करावं, असेही राऊत पुढे म्हणाले.

पुण्यातील (Pune) पोटनिवडणुकीच्या मतदानावर भाष्य करताना म्हणाले, 'पुण्यात मतदानाची टक्केवारी आता जरी कमी असली तरी नंतर वाढणार आहे. आज रविवार असून पुणेकर उतरले की रांगा लागणार. पुणेकरांचा प्रचारात मोठा प्रतिसाद होता. 5 ते 6 मंत्री प्रत्येक मतदारसंघात आहेत. सरकारी यंत्रणांचा वापर केला जातोय. परभवाची भीती असली की दबावतंत्र वापर केला जातो'.

Sanjay Raut
Sanjay Raut : 'मराठी माणूस मेल्या आईचे दूध प्यायलेला नाही'; संजय राऊतांचा मोदी सरकारवर 'रोखठोक' हल्लाबोल

मराठी भाषेला अभिजात दर्जा देण्याच्या मागणीवर राऊत यांनी भाष्य केलं. 'शिंदे गटानं कार्यकारिणीत ठराव केलाय की मराठी भाषेला अभिजात दर्जा द्यावा. आता केंद्रातील त्यांच्या महाशक्ती सरकारने, दर्जा द्यावा.बाळासाहेबांनी शिवसेनेची स्थापनाच मराठी अस्मितेसाठी केली. 5 ते 6 वर्षांपासून मराठी भाषा, मराठी अस्मितेवर दिल्लीचं आक्रमण सुरु आहे हे दुर्दैव, असे राऊत म्हणाले.

Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.

Related Stories

No stories found.
Marathi News Saam TV
saamtv.esakal.com