महाराष्ट्रात गाजलेल्या रोशन कुळे किडनी विक्री प्रकरणात चंद्रपूर स्थानिक गुन्हे शाखेच्या रडारवर असलेल्या प्रमुख आरोपींपैकी एक दिल्ली येथील डॉक्टर रवींद्र पाल सिंग याने अखेर आपल्या वकिलांसह ब्रह्मपुरी न्यायालयात हजर होत आत्मसमर्पण केले. न्यायालयाने दोन्ही बाजूंचा युक्तिवाद ऐकून घेतल्यानंतर रवींद्र पाल सिंग यास न्यायालयीन कोठडी सुनावली आहे.

​पावसाळी पर्यटन हंगामाची चाहूल लागताच आंबोली परिसरातील पर्यटनाला चालना देण्यासाठी सावंतवाडी वनविभागाने विशेष ‘आंबोली दर्शन सफारी’ सुरू करण्याचा निर्णय घेतला आहे. येत्या २७ जूनपासून या सफारीला प्रारंभ होणार असून पर्यटकांना आंबोलीतील विविध निसर्गरम्य स्थळांचा आनंद घेता येणार आहे.

वनविभागाच्या या उपक्रमांतर्गत पर्यटकांना आंबोली धबधबा, महादेवगड पॉईंट, हिरण्यकेशी मंदिर आणि कावळेसाद पॉईंट या प्रसिद्ध पर्यटनस्थळांना भेट देता येणार आहे. विशेष सफारी वाहनातून ही सहल आयोजित करण्यात येणार असून पर्यटकांच्या सुरक्षिततेसह दर्जेदार पर्यटन अनुभवावर भर देण्यात आला आहे.

भाजप नेते, खासदार नारायण राणे हे आज रत्नागिरी दौऱ्यावर असून दिवसभर विविध शासकीय, सामाजिक, कृषी तसेच जनसंपर्काच्या कार्यक्रमांना उपस्थित राहणार आहेत. दौऱ्याची सुरुवात सकाळी ११ वाजता जिल्हाधिकारी कार्यालय येथे जिल्हाधिकाऱ्यांच्या भेटीने होणार आहे. येथे विविध कामाचा ते आढावा घेतील. त्यानंतर सकाळी संविधान हत्या दिनानिमित्त आयोजित प्रदर्शनीचे उद्घाटन तसेच ‘आणीबाणीची ५१ वर्षे – विचारमंथन आणि व्याख्याने’ या कार्यक्रमाला ते उपस्थित राहणार आहेत. त्यांनतर विविध कार्यक्रमांना ते उपस्थित राहणार आहेत..

पावसाअभावी सह्याद्रीच्या कुशीत असलेली बहुतांश धरणे अजूनही कोरडीठाक असून, पुणे आणि आहिल्यानगर जिल्ह्यांवर पाणीबाणीचं मोठं संकट ओढावलं आहे. कुकडी प्रकल्पातील सात आणि भीमा-भामा खोऱ्यातील तीन धरणे अद्यापही तहानलेलीच आहेत. धरण क्षेत्रात तुरळक पाऊस पडत असला तरी, धरणातील पाणीसाठा वाढण्यासाठी आणि शेतीच्या पाण्यासाठी जोरदार पावसाची नितांत गरज आहे. चासकमान जलाशयासारखी मोठी धरणे कोरडी पडल्याने दुष्काळाचे सावट गडद झाले आहे. बळीराजासह संपूर्ण प्रशासनाचे डोळे आता दमदार पावसाकडे लागले आहेत

​सावंतवाडी शहरातील भटवाडी काजरकोंड परिसरात मुस्लिम वेशातील तीन संशयित काश्मिरी नागरिकांना सावंतवाडी पोलिसांनी ताब्यात घेतले.

मुस्लिम वेश परिधान केलेले दोन पुरुष आणि एक युवती मदतीसाठी पैशाची मागणीसाठी ते भटवाडी परीसरात फिरत होते. मात्र त्यांच्या वागण्याबोलण्याचा संशय आल्याने तात्काळ सावंतवाडी पोलिसांना याची माहीती देण्यात आली. पोलीस घटनास्थळी दाखल झाल्यानंतर प्राथमिक चौकशीत हे नागरिक जम्मू-काश्मीरमधील कुपवाडा जिल्ह्यातील मणीगा गावचे असल्याचे निष्पन्न झाले. हे नागरिक फिरस्ते असल्याची नोंद करून त्यांना परत पाठवले जाणार असल्याचे पोलिसांनी स्पष्ट केले. दरम्यान नागरिकांनी अशा संशयित लोकांपासून सावध राहावे काहीही संशयास्पद वाटल्यास त्वरित संपर्क साधावा असे आवाहन पोलिसांनी केले आहे.

जिल्ह्यातील काही तालुक्यांना पावसाचा ऑरेंज अलर्ट

पुढील तीन दिवस पुणे शहरासह जिल्ह्यात मुसळधार पावसाचा हवामान विभागाचा अंदाज

धरणसाखळी क्षेत्रात देखील आज आणि उद्या मुसळधार पावसाची शक्यता

मंगळवारी रात्री उशिरापर्यंत शहरात जोरदार पाऊस कोसळत होता. बुधवारी सकाळी आठ वाजेपर्यंत पावसाच्या हलक्या सरी सुरू होत्या, त्यानंतर मात्र दिवसभर पावसाने उघडीप दिली आणि शहरात ढगाळ वातावरण पाहायला मिळाले

छत्रपती संभाजीनगर जिल्हा बँक निवडणुकीत ठाकरे सेनेचे आमदार अंबादास दानवे यांनी चक्क भाजप आणि महायुती गोटात दाखल झाले आहेत. महायुती आणि महाविकास आघाडी असे दोन पॅनल झालेले असतानाही दानवे यांनी मविआऐवजी महायुतीच्या पॅनलमध्ये सामील होण्यास पसंती दिली आहे. ही नव्या राजकीय समीकरणाची नांदी तर नाही ना, असा प्रश्न यानिमित्ताने उपस्थित होत आहे. मात्र, बँकेत पक्षीय राजकारण नसते, यात निवडणुकीचा आणि महायुती किंवा पक्षीय राजकारणाचा संबंध नसल्याचं दानवे सांगतायत. जिल्हा बँक निवडणुकीत आतार्यत ८ जण बिनविरोध संचालक झाले असून, १२ जागांसाठी निवडणूक होत आहे.

अवघ्या पावणेदोन महिन्यांत कामकाज पूर्ण

आज येणार अंतिम निकाल

महाराष्ट्र दिनी भोर तालुक्यातील नसरापूर येथे साडेतीन वर्षांच्या बालिकेवर अत्याचार करून खून करण्यात आला होता

राज्यातील न्यायालयीन इतिहासात जलदगतीने सुनावणी झालेला हा पहिलाच खटला ठरणार

पोलिसांनी गुन्हा घडल्यानंतर १५ दिवसांत ११०० पानी आरोपपत्र न्यायालयात दाखल केले. आरोपपत्रासोबत ५५ पेक्षा जास्त साक्षीदारांचे जबाब, परिस्थितीजन्य पुरावे, तसेच तांत्रिक पुरावे जोडले होते.