Nanded Crime News : नांदेडमध्ये भरदिवसा दरोडा टाकणाऱ्या राजस्थानच्या टोळीला पोलिसांना अटक करण्यात यश आले आहे. जागरुक महिलेने 112 नंबर मदतीचा काॅल करताच पोलिसांनी प्रतिसाद देत पळून जाण्याच्या तयारीत असलेल्या दरोडेखोरांना पोलिसांनी अटक केली आहे. ही घटना वेदांत नगर भागात घडली आहे.

विकास शर्मा हे सकाळीच कामा निमित्त घराबाहेर पडले, त्याच वेळेस त्यांच्या घरावर पाळत ठेवणारे पाच दरोडेखोर शर्मा यांच्या घरात शिरले. दरोडेखोरांनी विकास शर्मा यांच्या घरात शिरून त्याच्या कुटुंबीयाला धारदार शस्त्राचा धाक दाखवून महिलेच्या गळ्यातील मंगळसूत्र जबरीने चोरून नेल्याची घटना होती. 

यावेळी शर्मा यांच्या पत्नीने 112 नंबरवर काॅल करुन पोलिसांना माहिती दिली. पोलीस तातडीने प्रतिसाद देत घटनास्थळावर दाखल झाले आणि पळून जाण्याच्या तयारीत असलेल्या पाच दरोडेखोरांना पोलिसांनी (Police) ताब्यात घेतले.

प्रदिप स्वामी, पवनकुमार जाट, राजेंद्र कुमार जाट, पंकज स्वामी, मनिष सेन असे ताब्यात घेतलेल्या दरोडेखोरांची नावे आहेत. दरोडेखोरांपैकी एक प्रदिप शर्मा हा दरोड्याचा मास्टरमाइंड असल्याची बाब तपासात पुढे आली आहे.

मास्टरमाइंड प्रदिप स्वामी हा विकास शर्मा यांच्या घराच्या टाईल्स फरशीचे काम करण्यासाठी आला होता. त्यानेच हा संपुर्ण दरोड्याचा प्लान रचल्याची बाब उघड झाल्याची माहिती जिल्हा पोलीस अधीक्षक श्रीकृष्ण कोकाटे यांनी पत्रकार परिषदेत दिली.