Satara Crime News : सातारा पाेलीस दलाने शेंद्रे (ता. सातारा) येथील एका हाॅटेलनजीक सुमारे 47 लाख रुपयांचा गुटखा पकडला. ही कारवाई स्थानिक गुन्हे शाखेने केली. या कारवाईबाबत पाेलीस दलाने अन्न सुरक्षा कार्यालयास कळविले. अन्न सुरक्षा अधिका-यांनी घटनास्थळी भेट देत संबंधित मुद्देमाल जप्त केला. (Maharashtra News)

पाेलीसांनी दिलेल्या माहितीनूसार या कारवाईत विमल पान मसाला व व्ही-1 टाेबॅकाे (तंबाखू) तसेच रजनीगंधा फ्लेवर्ड पानमसाला, तुलसी राॅयल जाफराणी जर्दा असा 47 लाख रुपयांचा प्रतिबंधीत गुटखा व 20 लाख रुपये किमतीचा ट्रक असा एकूण 67 लाख रुपयांचा मुद्देमाल जप्त केला आहे.

ही कारवाई पाेलीस अधीक्षक समीर शेख (ips sameer shaikh), अपर पाेलीस अधीक्षक बापू बांगर यांच्या मार्गदर्शनाखाली पाेलीस निरीक्षक अरुण देवकर, सहायक पाेलीस निरीक्षक सुधीर पाटील, रविंद्र भाेरे, पाेलीस उपनिरीक्षक पंतग पाटील आदींनी केली.

Edited By : Siddharth Latkar