सातारा : सातारा (Satara) जिल्हाधिकारी कार्यालय परिसरातून फिरस्त कुटुंबातील 4 वर्षीय मुलीचे पहाटेच्या सुमारास अपहरण करून तिच्यावर अत्याचार करणाऱ्या नराधमाला अखेर सातारा शहर पोलिसांनी ताब्यात घेतले आहे. संकेत गुजर वय 26 राहणार तामजाई नगर असे संशयित आरोपीचे नाव असून याआधी त्याच्यावर सातारा तालुका हद्दीत चोरी आणि जबरी चोरीचे वेगवेगळे 17 गुन्हे दाखल आहेत.

4 वर्षाच्या अल्पवयीन मुलीवर अत्याचाराची घटना घडल्यानंतर सातारा शहरासह संपूर्ण जिल्हा हादरून गेला होता. आरोपीला शोधण्यासाठी पोलिसांनी शहरातील सर्व CCTV कॅमेरे तपासले असता मात्र तरीही आरोपी न सापडल्याने आरोपीचे सीसीटीव्ही फुटेज पोलिसानी सोशल मीडिया (Social Media) वर व्हायरल केले होते.

हे व्हायरल फुटेज आरोपीच्या वडिलांनी आणि भावाने हे ओळखून शहर पोलिसांशी संपर्क साधत संबंधित युवक हा माझा मुलगा असल्याचे पोलिसांना सांगितले. या दरम्यान बलात्काराच्या गुन्ह्यातून वाचण्यासाठी आरोपीने आधीच्या दरोड्याच्या गुन्ह्यात शाहूपुरी पोलिसांत (Shahupuri Police) स्वतःहून हजर झाला होता त्याला न्यायालयीन कोठडी ही मिळाली होती. त्यावरून सातारा तालुका पोलिसानी न्यायालयीन कोठडीत असलेल्या संशयित आरोपीस अटक करून हा गुन्हा उघडकीस आणला आहे. या अत्याचार प्रकरणातील आरोपीने गुन्ह्याची कबुली दिली आहे.

Edited By - Jagdish Patil