Koyna Dam : सातारा (satara) जिल्ह्यात विशेषत: काेयना भागात पावसाचा जाेर आहे. या भागात पडत असलेल्या पावसामुळे तसेच हवामान खात्यानं तीन दिवसामध्ये अति वृष्टीचा इशारा दिल्याने काेयना धरण व्यवस्थापनाने उद्या (रविवार) काेयनेतून तीस हजार शंभर क्यूसेक पाण्याचा विसर्ग करण्याचे नियाेजन केले आहे.

काेयना धरण व्यवस्थापनाने दिलेल्या माहितीनूसार आज (शनिवार) सायंकाळी पाच वाजता काेयना धरणाची पाणी पातळी (2153 फूट 8 इंच) वाढली आहे. तसेच धरणांत (92.59 टीएमसी) म्हणजेच (87.97 टक्के) पाणीसाठा वाढला आहे.

गेल्या 24 तासात धरणातील पाणीसाठ्यामध्ये (3.62 टीएमसी) इतकी वाढ झाली आहे. सद्यस्थितीत धरणाच्या वक्र दरवाजातून (9596 क्यूसेक) पाण्याचा विसर्ग सुरू आहे. धरण पायथा विद्युत गृहामधून (2100 क्युसेक) एकूण (11696 क्यूसेक) विसर्ग सुरु आहे.

हवामान खात्याने सातारा जिल्ह्यात तीन दिवसामध्ये अति पर्जन्यमान होणेची पूर्व सुचना दिली आहे. त्यामुळे उद्या (रविवार) सकाळी दहा वाजता कोयना धरणाचे वक्रदरवाजे चार फुट सहा इंचाने उघडले जाणार आहेत. यावेळी अठ्ठावीस हजार क्युसेक पाण्यााच विसर्ग सोडण्यात येणार आहे. त्यामुळे कोयना धरणातून नदीपात्रात एकूण तीस हजार शंभर इतका क्युसेक विसर्ग सुरू राहणार आहे. तरी कोयना नदीपात्राजवळील गावांना सतर्क राहावे असं आवाहन धरण व्यवस्थापनाने केलं आहे.

Edited By : Siddharth Latkar