अहमदपूर : लातुर (latur) जिल्ह्यातील अहमदपूर तालुक्यातील शिरूर (shirur) ताजबंद राष्ट्रीय महामार्ग क्र ३६१ रोडवर थोरलेवाडी पाटी जवळ चार चाकी वाहन व मोटार सायकलची समोरा समोर धडक झाली. या अपघातात मोटार सायकलवरील शिरुर ताजबंद येथील दोन युवक जागीच ठार (two youth passes away in accident near shirur) झाले आहेत. अहमदपूर (ahmedpur) पोलीसांत (police) अपघाताची (accident) नोंद झाली आहे.

या घटनेबाबत अधिक माहिती अशी : थोरलेवाडी पाटी जवळ अहमदपूरकडून लातुरकडे भरधाव वेगाने जात असलेले चार चाकी वाहन क्रमांक (एम.एच २४ ए डब्लु ५३६९) व शिरुर ताजबदकडून अहमदपूरकडे भरधाव वेगाने येणारी मोटार सायकल क्रमांक (एम.एच २४ बि.एच ८२८०) यांची समोरा समोर जोराची धडक झाली. या भीषण अपघातात मोटार सायकल वरील शिरूर ताजबंद येथील रामेश्वर राजेंद्र चव्हाण (वय २४) व मेघवर्धन ऊर्फ उत्तम ज्ञानोबा डोंगरे (वय २५) हे दोन युवक जागीच ठार झाले.

या अपघातात मोटार सायकलचा चेंदामेंदा झाला. चार चाकी वाहनाच्या चालकास गंभीर दुखापत झाल्यामुळे घटनास्थळावर उपस्थित असलेल्या व्यक्तींनी त्यास उपचाराठी तात्काळ लातुर (latur) येथे पाठविले. या घटनेची अहमदपूर पोलीसांत नोंद करण्यात आली असुन पुढील तपास पोलीस करीत आहेत.

edited by : siddharth latkar