दिवंगत आरआर पाटील यांच्यावर अजित पवार यांनी तासगावमध्ये जाहीर सभेत टीका केली होती. केसाने गळा कापायचे धंदे आहेत, असा आरोप सिंचन घोटाळ्यावर बोलताना अजित पवार यांनी केला होता. अजित पवारांच्या याच आरोपाचा शरद पवार यांनी चांगलाच समाचार घेतला.

पाडवा मेळाव्यानंतर बोलताना शरद पवार यांनी अजित पवार यांचं नाव न घेता टीका केली. ते म्हणाले की, सिंचन घोटाळ्याचा उल्लेख आम्ही केलेला नाही. हा प्रश्न कुणी काढला, हे आता सांगायची गरज नाही. आर.आर. पाटील यांचा राज्याच्या राजकारणातील स्वच्छ व्यक्ती म्हणून लौकीक होता. उत्तम प्रशासक म्हणून त्यांना ओळखलं जात होतं. आशा नेत्याबाबत उलटीसुलटी चर्चा करणं, होणं हे अशोभनीय आहे.

जी व्यक्ती जाऊन 9 वर्ष झाली, त्यांची प्रतिमा चांगली होती. त्यांच्यावर काही बोललं जातं. ठीक आहे. सत्ता हातात आल्यावर आपण काहीही बोलण्यास मुक्त आहोत, असं काही लोकांना वाटतं, त्यामधीलच हा एक भाग असेल, असा खोचक टोला शरद पवारांनी लगावला.

सिंचन घोटाळ्याची माहिती अजित पवार यांना फडणवीस यांनी दाखवली. त्यात काही चुकीचं नाही, असं फडणवीस म्हणतात. पण त्यांनी घेतलेल्या गुप्ततेचा शपथेचा तो भंग आहे, असेही शरद पवार म्हणाले.