Maharashtra Assembly Elections

Assembly Election:निकालानंतर सत्ता समीकरण बदलणार? नवाब मलिकांपाठोपाठ वळसे पाटलांचे संकेत

Assembly Election: विधानसभा निवडणुकीचा प्रचार रंगात आला असतानाच निकालानंतर नव्या राजकीय समीकरणांची चर्चा रंगू लागलीय. मात्र सत्तेचं नवं समीकरण नेमकं काय असणार आहे? याविषयीचा स्पेशल रिपोर्ट.

ब्युरो रिपोर्ट, साम टीव्ही, मुंबई

भरत मोहोळकर, साम प्रतिनिधी

विधानसभा निवडणूक रंगात आलीय. त्यातच आरोप-प्रत्यारोपांच्या फैरी झडायला सुरुवात झालीय. तर दुसरीकडे निकालानंतर मुख्यमंत्रिपद कुणाकडे? यावरून तर्कवितर्क लढवले जात असतानाच निकालानंतर सत्तेचं नवं समीकरणाचे संकेत अजित पवारांच्या राष्ट्रवादीच्या नेत्यांनी देण्यास सुरुवात केलीय.

आधी नवाब मलिकांनी निकालानंतर दादाच किंगमेकर ठरण्याचा दावा केला होता. तर आता सहकार मंत्री दिलीप वळसे पाटलांनीही राज्यात सहा पक्ष असून निकालानंतर नवं समीकरण तयार होण्याचे संकेत दिलेत.

2014 मध्ये राज्यातील सर्वच पक्ष वेगवेगळे लढले आणि निकालानंतर आधी राष्ट्रवादीने भाजपला बाहेरून पाठींबा दिला होता. तर त्यानंतर पुन्हा भाजप आणि शिवसेनेने एकत्र येण्याचा निर्णय घेतला. मात्र 2019 नंतर राज्यात सत्तेसाठी राजकीय समीकरणं बदलली. आणि महाराष्ट्राच्या राजकारणाचा पोतच बदलला. मात्र 2019 नंतर राज्यात घडलेल्या घडामोडी कोणत्या आहेत पाहूयात.

2019 नंतर महाराष्ट्रातील राजकीय घडामोडी

2019 मध्ये शिवसेना आणि भाजपमध्ये फूट

2019 मध्ये शिवसेना- राष्ट्रवादी- काँग्रेसची मविआची स्थापना

2019 मध्ये अजित पवार आणि भाजपचं 80 तासांचं सरकार

2022 शिवसेनेतील फुटीनंतर शिंदे गट आणि भाजपची सत्ता

2023 मध्ये राष्ट्रवादीच्या फुटीनंतर अजित पवारांचा महायुतीत सहभाग

राज्यात शिवसेना आणि राष्ट्रवादीच्या फुटीनंतर राज्यात 6 प्रमुख पक्ष निवडणुकीच्या रिंगणात आहेत. त्याबरोबरच मनसे, वंचितसह तिसरी आघाडी आणि अनेक अपक्ष निवडणुकीच्या रिंगणात आहेत. त्यामुळे निकालानंतर कोणालाच स्पष्ट बहुमत न मिळाल्यास पुन्हा 1995 प्रमाणे अपक्ष आणि छोटे घटकपक्ष महत्वाची भूमिका बजावू शकतात.

त्यातच दादांच्या पक्षाच्या नेत्यांकडून नव्या समीकरणाचे संकेत दिल्याने दादा निकालानंतर मुख्यमंत्रिपदासाठी महायुतीला डच्चू देणार की आणखी नवी समीकरणं राज्याला पाहायला मिळणार याकडे लक्ष लागलंय.

सकाळ+चे सदस्य व्हा

Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.

Maharashtra News Live Updates: पराभूत उमेदवारांच्या बैठकीनंतर आता मनसेच्या प्रमुख नेत्यांची बैठक सुरू

Rohit Sharma: पर्थ टेस्टदरम्यान अचानक रोहित शर्माची एन्ट्री; चाहत्यांना दिलं मोठं सरप्राईज

Best Parenting Tips: तुम्ही मुलांना सतत ओरडता? मुलं तुमचेच ऐकतील, 'या' टीप्स करा फॉलो

Devendra Fadnavis: मुख्यमंत्रीपदासाठी देवेंद्र फडणवीसांचं नाव निश्चित? १३७ आमदारांचा पाठिंबा, दिल्लीत महत्त्वाची बैठक

Pravin Tayade News : वरिष्ठांनी दाखवलेल्या विश्वासाचं सोनं झालं; बच्चू कडुंचा पराभव करणाऱ्या तायडेंनी व्यक्त केल्या भावना

SCROLL FOR NEXT