सन 2024 च्या आमदारकीच्या अगोदर 179 गावांमध्ये पाणी आणून दाखवा शेखर गोरे माघार घ्यायला तयार आहे असे आव्हान शिवसेना ठाकरे गटाचे नेते शेखर गोरे (shekhar gore) यांनी आमदार जयकुमार गोरे (jaykumar gore) यांना दिले आहे. वडूज येथील मेळाव्यात शेखर गाेरे बाेलत हाेते. (Maharashtra Lok Sabha Election News in Marathi)
माढा लोकसभा मतदारसंघांत धैर्यशिल माेहिते पाटील आणि रणजीतसिंह नाईक निंबाळकर यांच्यात प्रमुख लढत हाेत आहे. सातारा जिल्हा बँकेचे संचालक आणि माण खटाव विधानसभा मतदारसंघातील शिवसेना ठाकरे गटाचे नेते शेखर गोरे यांनी वडूज याचे प्रमुख कार्यकर्त्यांचा मेळावा घेतला. या मेळाव्याला मोठ्या प्रमाणात कार्यकर्ते उपस्थित होते.
पाणी काय कोणाच्या बापाचे आहे का ?
शेखर म्हणाले माण खटाव मधील काही भागामध्ये निवडणुकीला मतदान कमी मिळाले म्हणून या आमदारांनी पाणी दिलं नाही. पाणी काय कोणाच्या बापाचे आहे का ? लोकांना पाणी सोडतो म्हणून काही उपकार करतो का ? माण मध्ये 105 गावांपैकी 64 गावात आजही टँकर सुरू आहे.
('साम टीव्ही'चं व्हॉट्सअॅप चॅनल जॉईन करण्यासाठी येथे क्लिक करा)
मग अशा माणसाला जलनायक कसं म्हणायचं असा सवाल त्यांनी उपस्थित केला. 2024 च्या आमदारकीच्या अगोदर 179 गावांमध्ये पाणी आणून दाखव शेखर गोरे माघार घ्यायला तयार आहे. जर पाणी आणलं तर मी स्वतः गावांमध्ये जयकुमार गोरे जल नायक आहेत असे बोर्ड लावीन असा टोला देखील शेखर गोरे यांनी जयकुमार गोरे यांना लगावला.
Edited By : Siddharth Latkar
सकाळ+चे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.