Pune City Traffic Diverted : पुण्यातील प्रमुख रस्त्यांवर आज वाहतुकीत बदल, जाणून घ्या पर्यायी मार्ग

- अक्षय बडवे

Pune :

बारामती लोकसभा मतदारसंघातील (baramati lok sabha constituency) उमेदवार समर्थकांसह आज (गुरुवार) अर्ज दाखल करण्यापूर्वी कौन्सिल हॉल चौक ते हॉटेल ब्ल्यू नाईल चौकदरम्यान एकत्र येणार आहेत. त्यामुळे सकाळी सहा ते दुपारी दोन वाजेपर्यंत वाहतूक व्यवस्थेत तात्पुरत्या स्वरूपात बदल करण्यात आल्याची माहिती वाहतुक पाेलिसांनी दिली. (Maharashtra News)

पुण्यातील कौन्सिल हॉल ते ब्ल्यू नाईल चौकदरम्यान रस्ता वाहतुकीस बंद राहील असे पाेलिसांनी कळविले आहे.

ब्ल्यू नाईल चौकाकडून आय.बी. चौकाकडे जाणारी वाहने किराड चौक, साधू वासवानी पुतळामार्गे जातील किंवा एस.बी.आय. हाऊस येथून रैना रस्त्याने इच्छितस्थळी जातील. सदर्न कमांड ते साधू वासवानी पुतळ्याकडे जाणारी आणि येणारी वाहने काऊन रस्ता जंक्शन आणि साधू वासवानी पुतळा येथून वळविण्यात येईल.

हॉटेल शांताई चौक ते क्वार्टर गेट चौक रस्ता वाहतुकीस बंद राहील.

पुणे, बारामती आणि शिरूर लोकसभा मतदार संघातील उमेदवार अर्ज दाखल करण्यापूर्वी शांताई हॉटेल ते क्वार्टर गेट चौकदरम्यान एकत्र येणार आहेत. त्यामुळे या भागातील वाहतूक सकाळी सहा ते दुपारी दोन वाजेपर्यंत रस्ता वाहतुकीस बंद राहील.

('साम टीव्ही'चं व्हॉट्सअ‍ॅप चॅनल जॉईन करण्यासाठी येथे क्लिक करा)

क्वार्टर गेटकडून येणारी वाहने बच्चू अड्डा किंवा सरबतवाला चौकमार्गे इच्छित स्थळी

पॉवर हाऊस चौकाकडून येणारी वाहने शांताई चौकमार्गे क्वार्टरगेटकडे जाणारी वाहने बॅनर्जी चौकातून किंवा संत कबीर चौकमार्गे इच्छितस्थळी जातील असे कळविण्यात आले.

Edited By : Siddharth Latkar