रत्नागिरी सिंधुदूर्ग मतदारसंघात विराेधकांची तंतरली आहे. नारायण राणेंचा (mp narayan rane) विराेधक इतकीच विनायक राऊत (mp vinayak raut) यांचा महाराष्ट्रात परिचय. राणेंवर टीका करणे एवढेच त्यांचे काम आहे. वैभव नाईक यांना ठाकरेंनी कधी बाकावर पण बसवलं नाही, त्यांना ऑक्टोंबरमध्ये मी घरी बसवणार असे प्रत्युत्तर माजी खासदार निलेश राणे (nilesh rane) यांनी आमदार वैभव नाईक (mla (vaibhav naik) यांच्यासह विराेधकांना दिले. (Maharashtra Lok Sabha Election News in Marathi)
रत्नागिरी सिंधुदूर्ग मतदारसंघात आज रत्नागिरी येथे महायुतीचे भाजपचे उमेदवार नारायण राणे यांची लाेकसभा निवडणुकीसाठीचा अर्ज भरण्यासाठी रॅली निघाली आहे. या रॅलीत गाेव्याचे मुख्यमंत्री डाॅ. प्रमाेद सावंत यांच्यासह महायुतीचे कार्यकर्ते सहभागी झाले आहेत.
दरम्यान नारायण राणेंच्या उमेदवारीची पात्रता ठरवण्यासाठी भाजपला एवढा वेळ लागला. वर्गात पहिल्या बाकावर बसणाऱ्या विद्यार्थ्याला शेवटच्या बाकावर बसवलं. तेराव्या यादीत राणेंची उमेदवारी घोषित केली अशी टीका ठाकरे गटाचे आमदार वैभव नाईक यांनी राणेंवर केली हाेती. त्यास आज निलेश राणेंनी प्रत्युत्तर दिले. ते म्हणाले वैभव नाईक यांना उद्धव ठाकरेंनी कधी बाकावर पण बसवलं नाही. त्यांना ऑक्टोंबर मध्ये मी घरी बसवणार. विनायक राऊतांचा या निवडणुकीत पराभव हाेणार असा विश्वास राणेंनी व्यक्त केला.
नारायण राणेंना मोदींच्या मंत्रीमंडळात हेवी वेट मंत्रीपद मिळेल : प्रमोद जठार
माजी आमदार प्रमोद जठार म्हणाले विनायक राऊत जिंकले तर कोकणाचं नुकसान आहे आणि नारायण राणे जिंकले तर कोकणाचा फायदा आहे. त्यामुळे कोकणी माणूस यावेळी व्यवहारी राहून फायद्याचे गणित करेल. कोकणाला आता विकासाची आणि रोजगाराची गरज आहे. त्यामुळे राहूल गांधी पंतप्रधान होत नाहीत आणि विनायक राऊत जिंकून काय मंत्रीपद मिळणार नाही. त्यामुळेच नारायण राणेंना मोदींच्या मंत्रीमंडळात हेवी वेट मंत्रीपद मिळेल असा दावा माजी प्रमोद जठार यांनी केला आहे.
Edited By : Siddharth Latkar
सकाळ+चे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.