- नितीन पाटणकर

Mahayuti :

एकीकडे सातारा लाेकसभा मतदारसंघात (satara lok sabha constituency) उमेदवारी जाहीर हाेण्यापूर्वीच भाजप नेते राज्यसभा खासदार उदयनराजे भाेसले (udayanraje bhosale latest marathi news) यांनी महायुतीचा (mahayuti) मीच उमेदवार असणार असा विश्वास व्यक्त करत मतदारसंघात झंझावती दाैरे सुरु केले आहेत. दूसरीकडे आजही राष्ट्रवादी काॅंग्रेस अजित पवार (nationalist congress party ajit pawar faction) गट हा सातारा मतदारसंघ राष्ट्रवादीच लढणार यासाठी आग्रही राहिली आहे. यामुळे साता-याची उमेदवारी नेमकी काेणत्या पक्षाकडे जाणार याची उत्सुकता नागरिकांना लागली आहे. (Maharashtra Lok Sabha Election News in Marathi)

उपमुख्यमंत्री अजित पवार हे सातत्याने सातारा लाेकसभा मतदारसंघावर राष्ट्रवादी काॅंग्रेसचा दावा करीत आहेत. गेले दाेन महिने अजित पवार हे साता-याची जागा साेडण्यास तयार नाहीत. त्यातच सातारा मतदारसंघ भाजपला हवा आहे. खासदार उदयनराजे भाेसले यांच्यासाठी भाजप या मतदारसंघाची मागणी करीत असल्याची माहिती सूत्रांनी दिली.

साताऱ्याच्या बदल्यात नाशिकची जागा अजित पवार गटाला⁠ हवी आहे मात्र, नाशिकचा निर्णय शिंदे यांची शिवसेना आणि अजित पवार गटाने घ्यावा भाजपचे म्हणणे आहे.

('साम टीव्ही'चं व्हॉट्सअ‍ॅप चॅनल जॉईन करण्यासाठी येथे क्लिक करा)

⁠नाशिकच्या जागेवर भाजपने हात झटकले⁠ असे समजते. त्यामुळे अजित पवार गटाची कोंडी झाली आहे. राज्यात आत्तापर्यंत अजित पवार गटाला अवघ्या चार जागा⁠ मिळाल्या आहेत. ⁠त्यातही दोन जागांवरती आयात उमेदवार असल्याची चर्चा राजकीय वर्तुळात आहे.

यामध्ये परभणी आणि शिरूरचा समावेश आहे. दरम्यान साताऱ्याच्या जागेबाबत अजित पवार गट आजही आग्रही राहिल्याने जागा वाटपाचा तिढा वाढल्याचे चित्र आहे.

Edited By : Siddharth Latkar