- साम टीव्ही प्रतिनिधी

राज्यातील विविध जिल्ह्यात आज (मंगळवार) सकाळपासून लाेकसभा निवडणुकीच्या मतमाेजणीचे एकेक कल समाेर येऊ लागल्यानंतर विविध राजकीय पक्षाचे कार्यकर्ते आपआपल्या भागात त्यांचा उमेदवाराच्या नावाने घाेषणा देऊ लागले आहेत. काॅंग्रेस पक्षाचे कार्यकर्ते तर काही ठिकाणी विजयाची मिरवणुक काढण्याच्या तयारीला लागल्याचे चित्र दिसून येत आहे. काेल्हापूर, धुळे, अमरावती तसेच नांदेड येथे सकाळी सव्वा नऊ पर्यंत महाविकास आघाडीच्या (काॅंग्रेस) उमेदवारांनी जल्लाेष करण्यास प्रारंभ केला आहे. (lok sabha nivadnuk nikal 2024)

आज सकाळी नऊ वाजेपर्यंत अमरावती येथे महाविकास आघाडीचे उमेदवार बळवंत वानखडे यांनी आघाडी घेतली हाेती. त्यानंतर अमरावतीच्या काँग्रेस भवनमध्ये कार्यकर्त्यांनी एकच जल्लोष केला. काँग्रेस भवन मध्ये काँग्रेसाच्या कार्यकर्त्यांमध्ये सकाळपासून उत्साह पाहायला मिळाला. त्यांच्या हा उत्साह अखेरपर्यंत राहिल आणि वाखडेंचा विजय हाेईल असा विश्वास कार्यकर्त्यांनी व्यक्त केला.

सोलापूर लोकसभा मतदारसंघातून काॅंग्रेसच्या आमदार प्रणिती शिंदे यांनी प्रतिस्पर्धी विराेधात मतांची आघाडी घेतली आहे. शहर उत्तर, दक्षिण सोलापूर, मंगळवेढा पंढरपूर , मोहोळ या मतदारसंघातून प्रणिती शिंदे आघाडीवर आहेत. या भागातील काॅंग्रेस कार्यकर्त्यांनी जल्लाेष सुरु केला आहे. दरम्यान काँग्रेसचा गड असलेल्या सोलापूर शहर मध्य मधून मात्र राम सातपुते आघाडीवर आहेत.

धुळे लोकसभा मतदारसंघांमध्ये पहिल्या फेरीमध्ये काँग्रेस उमेदवार शोभा बच्छाव 32 मतांनी आघाडी घेताच कार्यकर्त्यांमध्ये चैतन्य पसरले. मालेगाव मध्ये सर्वाधिक मतं काँग्रेसला मिळाली आहेत.

नंदुरबार येथे काँग्रेस उमेदवार गोवल पाडवी यांना पाहिल्या फेऱ्यात १९ हजार मतांची आघाडी घेताच कार्यकर्ते दिसत खूष हाेते.

दूसरीकडे चंद्रपूरमध्ये काँग्रेसच्या प्रतिभा धानोरकर या 16 हजार मतांनी आघाडीवर आहेत. तेथे देखील काॅंग्रेस कार्यकर्त्यांनी जल्लाेष सुरु केला आहे.

Edited By : Siddharth Latkar