- अक्षय गवळी

अजित पवार आणि सुनेत्रा पवार यांच्यावर वारंवार टीका करूनही काहीच हाती लागत नसल्याने आज अखेर मतदानाच्या दिवशी तुतारी गटाकडून रडीचा खेळला जात आहे असा गंभीर आराेप अमोल मिटकरी यांनी राष्ट्रवादी काॅंग्रेस शरदचंद्र पवार पक्षावर केला. राष्ट्रवादी काॅंग्रेस शरदचंद्र पवार पक्षातील नेते मंडळी एक्स वरुन जे ट्विट करीत आहेत ते धांदात खाेटे असल्याचे मिटकरींनी नमूद केले. (Maharashtra News)

आमदार अमोल मिटकरी म्हणाले मतदानाच्या पूर्वसंध्येला रोहित पवारांनी केलेले ट्विट आणि पैसे वाटपाचा आरोप हा खोटा आहे. त्यांना त्यांचा पराभव दिसत आहे. त्यातून आता तुतारी गटाकडून आणखी व्हिडिओ अपलोड करण्यात आला आहे. ईव्हीएम मशीन ठेवलेल्या ठिकाणी सीसीटीव्ही बंद आहे. आता ही त्यांची शेवटची फड़फड आहे असेही मिटकरी यांनी नमूद केले.

विशेष म्हणजे भविष्यात राष्ट्रवादीचा उमेदवार विजयी झाल्यास रोहित पवार नाचायला मोकळा असणार आहे. त्यांचं रडगाणं सुरू होणार, आम्ही अगोदर सांगितले होते की पैसे वाटले, गुंडागिरी, बँका उघड्या होत्या, ईव्हीएम सेट केल्या, असे आरोप होणार असल्याचे मिटकरी म्हटले. हा फक्त रडीचा डाव खेळला गेलाय आता अपलोड केलेला व्हिडिओ हा फक्त मूर्खपणा असल्याचेही मिटकरी यांनी स्पष्ट केले.

('साम टीव्ही'चं व्हॉट्सअ‍ॅप चॅनल जॉईन करण्यासाठी येथे क्लिक करा)

Edited By : Siddharth Latkar