- रणजीत माजगावकर

Kolhapur :

कोल्हापूर जिल्हा बँकेचे माजी उपाध्यक्ष आणि चंदगड विधानसभा मतदारसंघातील प्रमुख नेते विनायक उर्फ अप्पी पाटील (appi alias vinayakrao patil) यांनी आज (शुक्रवार) काँग्रेसमध्ये प्रवेश केला. आमदार सतेज पाटील यांच्या उपस्थितीत अप्पी पाटील यांचा दिमाखात प्रवेश झाला. अप्पी पाटील यांच्या काॅंग्रेस प्रवेशामुळे महाविकास आघाडीची काेल्हापूर मतदारसंघात आणखी ताकद वाढल्याचे बाेलले जात आहे. ('साम टीव्ही'चं व्हॉट्सअ‍ॅप चॅनल जॉईन करण्यासाठी येथे क्लिक करा)

विनायक उर्फ अप्पी पाटील यांची गडहिंग्लज, चंदगड परिसरात चांगली ताकद आहे. त्यांच्या पक्ष प्रवेशास मालोजीराजे छत्रपती यांच्यासह काेल्हापूर येथील मान्यवर नेते, कार्यकर्ते उपस्थित हाेते. यावेळी मालोजीराजे छत्रपती यांनी अप्पी पाटील यांचे स्वागत केले. (Maharashtra Lok Sabha Election News in Marathi)

चारच दिवसांपूर्वी अप्पी पाटील यांनी आपल्या गटाचा मेळावा घेऊन कोल्हापूर लोकसभा मतदार संघातील इंडिया आघाडीचे उमेदवार शाहू महाराज छत्रपती (shahu maharaj chhatrapati kolhapur) यांना पाठिंबा दिला होता. आज शेकडो कार्यकर्त्यांसह त्यांनी काँग्रेसमध्ये प्रवेश केला. यावेळी आपल्या भाषणातून अप्पी पाटील यांनी महायुतीच्या नेत्यांवर टीका देखील केली. तसेच आपल्या भागातून शाहू महाराज छत्रपती यांना मताधिक्य देऊ असे आश्वासन दिले.

Edited By : Siddharth Latkar