मुख्यमंत्री कोल्हापुरात कितीही ठाण मांडूदेत पण कोल्हापुरची जनता महाविकास आघाडीसोबस आहे, असा टोला आदित्य ठाकरे यांनी एकनाथ शिंदेंना लगावला आहे. एकनाथ शिंदे गटाचे कोल्हापूरमध्ये संजय मंडलीक आणि धैर्यशील माने विद्यमान खासदार आहेत. त्यामुळे शिंदेंनी या मतदारसंघात ठाण मांडली आहे. नरेंद्र मोदींच्या सभाही या मतदारसंघात होत आहेत. त्यावरून आदित्य ठाकरेंनी एकनाथ शिंदेंवर निशाणा साधला.

महाराष्ट्रात महाविकास आघाडीला प्रतिसाद मिळत आहे तर देशात इंडिया आघाडीला. भाजप जिंकणार नाही मात्र चुकून जिंकली तर त्यांचं पहिलं टार्गेट संविधान आहे. भाजपला संविधान बदलायचा आहे. लोकशाही संपवून टाकायची आहे, ते आम्ही होऊ देणार नाही. महाराजांच्या विरोधात इथं प्रचार करणं हा भाजपाचा महाराष्ट्र द्वेष देशासमोर आला आहे.

पहिला गुजरातमधील कांदा निर्यात बंदी हटवली. त्यामुळं सगळं काही गुजरात साठी चालल आहे, यात महाराष्ट्र कुठे आहे ? नरेंद्र मोदी यांच्या कोल्हापुरातील सभेनंतर महाविकास आघाडीची मतं दुप्पट होतील. जे गुजरातला पळून जाऊन टेबलवर नाचतात ते माझ्या आजोबांचं नाव घेऊ शकत नाहीत. स्वर्गीय बाळासाहेब ठाकरे यांचं नाव घेण्याची त्यांची पात्रता नाही.

संजय राऊत आज एक मोठा मोर्चा लढत आहेत ते स्वतः जेलमध्ये गेले याच्या सारखं त्यांनी केलं नाही. आज देखील संजय राऊत उद्धव ठाकरें बरोबर निष्ठावंत म्हणून राहिले आहेत. उद्योगपतींना दिल्लीतून फोन येतात हे खरं आहे अजित पवार काय म्हणाले हे मला माहिती नाही. दिल्लीतून फोन आल्यानंतर सर्व उद्योगपतींना दबावाने गुजरातला जावं लागलं हे खर आहे. या सरकारच्या काळामध्ये राज्यात एक तरी नवा उद्योग आला आहे का? देणंघेणं वाटाघाटी यामध्येच हे सरकार व्यस्त आहे.