दरवर्षी मे महिन्याच्या पहिल्या मंगळवारी जागतिक अस्थमा दिन (World Asthama Day)साजरा केला जातो. जगभरातील लोकांना अस्थमा या आजाराबाबत जागरुक करणे हा यामागचा मुख्य उद्देष आहे. अस्थमाच्या रुग्णांना श्वसनाचा खूप जास्त त्रास होतो. अस्थमाच्या रुग्णांच्या श्वसनमार्गाला सूज येते, कफचा त्रास होतो. त्यामुळे अनेक आजार होतात. अस्थमाच्या रुग्णांनी निरोगी राहण्यासाठी दैनंदिन जीवनात काळजी घ्यायला हवी. खाण्यापिण्याच्या सवयींकडे विशेष लक्ष द्यायला हवे. अस्थमाच्या रुग्णांनी काही विशिष्ट प्रकारचे व्यायाम करणे फायदेशीर ठरते. आज आम्ही तुम्हाला याचबद्दल माहिती देणार आहोत.

पोहणे

पोहणे हा एक उत्तम व्यायाम आहे. अस्थमाच्या रुग्णांनी पोहण्याचा सराव केला पाहिजे. त्यामुळे श्वसाचे स्नायू मजबूत होतात. तसेच श्वसनाची क्षमतादेखील वाढते. पोहल्याने तुमच्या शरीराला ऊर्जा मिळते तसेच तुम्ही तंदुरुस्त राहतात.

मोकळ्या हवेत फिरणे

ज्या व्यक्तींना दम्याचा त्रास आहे त्या व्यक्तींनी दररोज सकाळी आणि संध्याकाळी फिरायला जावे. मोकळ्या हवेत फिरायला गेल्याने श्वसनाच्या समस्या कमी होतात. मोकळ्या हवेत फिरायला गेल्याने तुम्हाला फ्रेश वाटेल.

योग

अस्थमाच्या रुग्णांनी रोज योगासने केली पाहिजेत. योगासनामध्ये त्यांनी श्वसनांचे योगा करायला हवे. यामुळे तुमच्या श्वसनाची आणि फुफ्पुसाची कार्यक्षमता वाढेल. तसेच शरीरातील रक्ताभिरसरण क्षमता वाढते. यामुळे अनेक आजारांपासून तुम्हाला आराम मिळेल.

अस्थमाच्या रुग्णांनी व्यायाम करताना ही काळजी घ्यावी

श्वास नाकाद्वारे घ्या

अस्थमाच्या रुग्णांनी व्यायाम करताना काळजी घ्यायला हवी. त्यांनी नेहमी नाकातूनच श्वास घ्यायला हवा. जर त्यांनी तोंडाने श्वास घेतला तर त्यांना अनेक समस्या होऊ शकतात.

आजारपणात व्यायाम करणे टाळावे

अस्थमाच्या रुग्णांनी आजारपणात शक्यतो व्यायाम करणे टाळा. जर तुम्ही आजारी असताना व्यायाम केला तर तुम्हाला श्वसनाचा त्रास होऊ शकतो.

इनहेलर नेहमी जवळ ठेवा

ज्या व्यक्तींना अस्थमाचा त्रास होतो. त्यांनी इनहेलर नेहमी त्यांच्यासोबत ठेवावे. जर तुम्हाला कधी श्वसनाचा त्रास झाला तर तुम्ही इनहेलरचा वापर करु शकता.