रात्रीची झोप ही शरीरासाठी खूप महत्वाची असते. आपण झोपायला जाताना शरीर आपोआप एका विशिष्ट स्थितीत आपोआप थांबते. काही लोक चादरीखाली पूर्णपणे झाकून घेतात, तर काहीजण झोपताना एक पाय किंवा पायाचा भाग चादरीबाहेर ठेवतात. लहानपणी आपण असं करण्याची हिम्मत केली नसती. कारण पलंगाखालील राक्षस पाय पकडेल, अशी भीती असायची! पण प्रौढ वयात ही सवय आपोआप लागते आणि ती फक्त सवय नाही, तर शरीराची एक फिजियॉलॉजिकल प्रतिक्रिया आहे.

तज्ज्ञांच्या मते, झोपताना आपल्या शरीराचे तापमान नैसर्गिकरित्या सुमारे एक डिग्रीने कमी होते. हा तापमानातील बदल नीट झाला नाही, तर झोप खोल लागत नाही आणि रात्री वारंवार जाग येते. त्यामुळे शरीर आपोआपच तापमान नियंत्रित करण्यासाठी एक पाय बाहेर आपण काढतो. अशा वेळी पायातून उष्णता बाहेर जाते आणि शरीर लवकर थंड होते. त्यामुळे झोप पटकन लागते आणि ती स्थिती जास्त कंफ्रटेबल होते.

स्पॅनिश फार्मासिस्ट एलेना सांगतात, "जर शरीराचे तापमान कमी झाले नाही, तर झोप येणे कठीण होते आणि विश्रांतीची गुणवत्ता कमी होते." त्यामुळे शरीराचा हा छोटासा प्रयत्न म्हणजे पाय बाहेर ठेवणे हा नैसर्गिक तापमान नियंत्रणाचा एक उपाय आहे. आपल्या हातपायांमध्ये रक्तवाहिन्यांचे जाळे असतात आणि त्यांच्यामध्ये स्नायूंची इन्सुलेशन कमी असते, त्यामुळे उष्णता बाहेर जाण्यासाठी हे भाग सर्वात प्रभावी ठरतात.

रात्री गरम वातावरणात झोपताना अनेकांना पूर्णपणे झाकून झोपायचं आवडतं, तर काहीजण हलक्या चादरीत झोपतात. पण एक पाय बाहेर ठेवणे ही अशी स्थिती आहे जी आराम आणि थंडावा या दोन्हींचा समतोल राखते. चादरीचा स्पर्शही राहतो आणि उष्णतेमुळे त्रासही होत नाही. म्हणून आज रात्री झोपताना एकदा प्रयत्न करून पाहा पायाला थोडी हवा द्या, थोडी मोकळीक द्या. कदाचित तीच छोटी सवय तुम्हाला अधिक गाढ, शांत आणि ताजेतवाने झोप देईल.