मुंबई : सध्याच्या जगात जास्त लोक आपल्या वाढलेल्या वजनामुळे त्रासलेले असतात. त्यामुळे आपले वजन कमी कसे होईल याकडे त्यांच अधिक लक्ष असते.

हे देखील पहा -

वजन कमी करण्यासाठी आपण व्यायामासोबत आहारात देखील बदल करत असतो परंतु, काहीच न करता आपले वजन कमी होत असेल तर ती चिंतेची बाब असू शकते. महिन्याभरात आपले वजन कमी होत असेल तर आपल्याला आरोग्याकडे लक्ष देणे गरजेचे आहे. अशावेळी आपले वजन अचानक कमी का होत आहे त्याचे कारण शोधायला हवे व वेळीच डॉक्टरांचा सल्ला घ्यायला हवा. वजन का कमी होत आहे त्याची कारणे जाणून घेऊया.

१. कॅन्सर हा असामान्य आजार नाही. त्याची लक्षणे वेळीच ओळखणे गरजेचे आहे. त्यापैकी एक वाढलेले वजन अचानकपणे कमी होणे व त्यासोबत इतर आरोग्याच्या बाबतीत बदल होत असेल तर वेळीच त्याची चाचणी करा.

२. आपल्या शरीरातील साखरेची (Sugar) पातळी वाढल्यानंतर आपल्याला मधुमेह होतो व त्याचा परिणाम आपल्या वजनावर पडू शकतो. त्यामुळेही आपले वजनही कमी होऊ शकते. जसं जसं आपल्या शरीरातील साखरेची पातळी वाढत जाते तस तसे त्याचा परिणाम आपल्या वजनावर होत जातो. साखर रक्तात साठून राहते व ती आपल्या पेंशीपर्यंत पोहोचत नसल्यामुळे वजन कमी होते.

३. बऱ्याच लोकांना हाइपर थॉयराइडची समस्या असली की, त्याचेही वजन अचानक कमी होऊ लागते. यांचे कारण असे की, थॉयराइडची ग्रंथी त्याचे कार्य सुरळीत करत नाही व त्यामुळे आपल्या चयापचय परिणाम होतो व त्यामुळे आपले वजन कमी होते.

४. अनेक वेळा पाणी (Water) कमी प्यायल्याने किंवा डिटॉक्स ड्रिंकचे सेवन केल्याने आपले वजन कमी होते. कमी मीठाचे प्रमाण शरीराला निर्जलीकरण करते. तसेच जास्त घाम येण्यामुळेही आपले वजन कमी होऊ शकते.

डिस्क्लेमर: सदर लेख फक्त सामान्य माहितीसाठी आहे. अधिक तपशीलांसाठी नेहमी आपल्या डॉक्टरांशी संपर्क साधा.

Edited By - Komal Damudre