Maternal Mirror Syndrome pregnancy : स्त्री गरदोर राहिल्यानंतर तिच्या शरीरात अनेक बदल होत असतात. गर्भात वाढणाऱ्या बाळामुळे तिच्या जीवनशैलीपासून ते खाण्यापिण्याच्या सवयी देखील बदलतात. अशावेळी काही गोष्टीचा अतिरेक झाल्यास तिला येणाऱ्या समस्यांना देखील सामोरे जावे लागते. त्यातील एक आजार म्हणजे मॅटर्नल मिरर सिंड्रोम.

मॅटर्नल मिरर सिंड्रोम म्हणजे काय ? हा प्रश्न तुम्हालाही पडला असेलच, हा आजार खूप जुना आहे पंरतु, तितकाच जीवघेणा देखील. याचा परिणाम गरोदर (Pregnant) असणाऱ्या महिलांवर गंभीर रुपात होतो. आरोग्य तज्ञांच्या मते, जेव्हा गर्भात बाळ वाढत असते तेव्हा त्याची साधरणत: लक्षणे आपल्याला दिसून येते. जसे की, गर्भाला सूज येणे, उच्च रक्तदाब, प्रोटीन्युरिया (मूत्रात जास्त प्रथिने) यांसारखी लक्षणे दिसतात.

या लक्षणांवर (Symptoms) उपाय केल्यानंतर आई व जन्माला येणाऱ्या बाळांसाठी परिस्थिती ही गंभीर स्वरुपाची असते. तज्ज्ञांच्या मते, या आजारांबद्दल अजूनपर्यंत कोणतीच बाब स्पष्टपणे सांगता येत नाही. हा आजार पूर्णपणे रोगप्रतिकारक प्रतिसादावर अवलंबून आहे. ज्यामध्ये गर्भाची गर्भाची अनुवांशिक स्थिती असू शकते जी आईच्या शरीरात रोगप्रतिकारक प्रतिसादास चालना देते, ज्यामुळे MMS होतो. इतर प्रकरणांमध्ये, ते संसर्ग किंवा इतर पर्यावरणीय घटकांशी संबंधित असू शकते. MMS चे निदान करणे आव्हानात्मक असू शकते कारण लक्षणे गर्भधारणेशी संबंधित आहेत.

1. लक्षणे

• MMS साठी उपचारांमध्ये याची लक्षणे ओळखणे कठीण असते.

• आई आणि बाळ या दोघांच्या आरोग्यावर बारकाईने लक्ष ठेवावे लागते.

• काही वेळेस, आई आणि बाळ (Baby) दोघांच्याही आरोग्याचे रक्षण करण्यासाठी प्रसूती आवश्यक असू शकते. या प्रसूतीमध्ये जोखीम असते. विशेषतः जर गर्भ अकाली असेल किंवा इतर वैद्यकीय गुंतागुंत असतील तर.

• जर तुम्ही गर्भवती असाल आणि सूज किंवा उच्च रक्तदाब यांसारखी लक्षणे अनुभवत असाल तर ताबडतोब वैद्यकीय मदत घ्या.

• MMS ही एक दुर्मिळ परंतु गंभीर स्थिती आहे, त्यामुळे तुम्हाला याचा अनुभव आल्यास, ताबडतोब डॉक्टरांशी संपर्क साधा आणि उपचार घ्या. हे करणे आई आणि मूल दोघांसाठी आवश्यक आहे.

2. उपाय

• मॅटर्नल मिरर सिंड्रोम (MMS) स्थितीच्या व्यवस्थापनासाठी अनुभवी गंभीर काळजी तज्ज्ञ आणि प्रसूती तज्ज्ञांसह ICU काळजी देखील आवश्यक आहे.

• आईला वाचवण्यासाठी काही वेळा गर्भधारणा वेळेआधीच संपवावी लागते, असेही अनेकवेळा दिसून आले आहे.

• सामान्यतः योनिमार्गे प्रसूतीद्वारे. 65% पेक्षा जास्त प्रकरणांमध्ये, प्रसूतीनंतर किंवा गर्भाशयातील रोगामुळे किंवा अकाली जन्मामुळे मुलाचा मृत्यू होतो. उच्च रक्तदाब आणि इतर समस्यांमुळे आईची समस्या 50% राहते.

डिस्क्लेमर: सदर लेख फक्त सामान्य माहितीसाठी आहे. अधिक तपशीलांसाठी नेहमी आपल्या डॉक्टरांशी संपर्क साधा