सध्या अगदी धुमधडाक्यात गणपतीचा उत्सव साजरा केला जातोय. काल गणपती बाप्पा विराजमान झाले असून आज दीड दिवसांच्या गणपतीचं विसर्जन होणार आहे. भाद्रपद मासातील शुक्ल पक्षातील चतुर्थी तिथीपासून सुरू होणारा गणेश चतुर्थीचा हा सण विशेष असून या उत्सवात गणेशाची पुजा केली जाते.

अनंत चतुर्दशीच्या दिवशी या गणपती बाप्पााला निरोप दिला जातो. यावेळी बाप्पाला पुढच्या वर्षी लवकर या असा निरोपही देण्यात येतो. आज दीड दिवसांच्या गणपतीचं विसर्जन असून यावेळी आपण कोणते नियम पाळले पाहिजे ते पाहूयात.

दीड दिवसांच्या गणपतीचं विसर्जन

७ तारखेला गणेश चतुर्थीच्या दिवशी गणपती बाप्पा विराजमान झाले होते. यानंतर आज दीड दिवसांच्या बाप्पाचं विसर्जन होणार आहे. गणपती बाप्पाची स्थापना चतुर्थी तिथीला दुपारी होते आणि विसर्जन दुपारनंतर होतं. म्हणून याला दीड दिवसात गणेश विसर्जन असं म्हटलं जातं.

८ सप्टेंबर २०२४ ची शुभ वेळ

• अभिजीत मुहूर्त 11:53 ते 12:43 मिनिटांपर्यंत

• विजय मुहूर्त 2:24 ते 3:14 मिनिटांपर्यंत

• संध्याकाळची वेळ 6:34 ते 7:43 पर्यंत

विर्सजनाचे नियम काय आहेत?

जर तुमच्या घरी आज दीड दिवसांच्या गणपतीचं विसर्जन असेल तर तुम्ही या नियमांचं पालन केलं पाहिजे. यामध्ये विसर्जन नेहमी शुभ मुहूर्त पाहूनच करावं. यावेळी गणपतीची पूजा करताना गणपतीला दाखवलेली सर्व सामग्री विसर्जित करावी. जर तुम्ही गणपतीला नारळ दाखवला असेल तर तो फोडू नये. त्या नारळाचंही विसर्जन करावं

( Disclaimer - या ठिकाणी दिलेली माहिती ज्योतिष शास्त्रावर आधारित असून ती केवळ माहितीसाठी दिली जात आहे. झी 24 तास या गोष्टींना दुजोरा देत नाही. कोणताही उपाय करण्यापूर्वी संबंधित विषयातील तज्ज्ञांचा सल्ला अवश्य घ्या. )