Foods to Avoid for Weight Loss :

वाढत्या वजनाचा त्रास अनेकांना सहन करावा लागतोय. वजन कमी करण्यासाठी आपण अनेक प्रयत्न करतो. खराब जीवनशैली आणि जंकफूडचे अतिप्रमाणात सेवन यामुळे आरोग्यावर परिणाम होतो. ज्यामुळे वजन झपाट्याने वाढू लागते.

वाढत्या वजनाला नियंत्रित ठेवण्यासाठी अनेक लोक खाण्यापिण्याच्या सवयी बदलतात,व्यायाम करतात. परंतु, काही केल्या वजन कमी (Weight Loss) होत नाही. वजन कमी करण्यासाठी काहीजण डाएटिंगचा पर्याय निवडतात. वजन कमी करण्याच्या प्रक्रियेमध्ये तुम्ही आहारात (Food) कोणत्या पदार्थांचा समावेश करताय हे देखील पाहाणे अधिक महत्त्वाचे आहे. तुम्ही देखील हे पदार्थ खात असाल तर आजच त्यांना बाय बाय करा.

1. केळी

केळीमध्ये (Banana) शरीराला पुरवणारे अनेक घटक असतात परंतु, यामध्ये अधिक प्रमाणात कॅलरीज असतात. साधारणत: एका केळीमध्ये १५० प्रमाणात कॅलरीज असतात. ज्यामुळे वजन वाढते.

2. मनुका

मनुक्याचे सेवन केल्याने वजन कमी होते हे जितके खरे आहे तितकेच शरीरासाठी नुकसानकारक. एक वाटी मनुक्यामध्ये सुमारे ५०० कॅलरीज असतात. एकाच वेळी खूप मनुके खाल्ल्याने शरीरावर परिणाम होतो.

3. द्राक्षे

द्राक्षे वजन कमी करण्यासाठी फायदेशीर नाही. १०० ग्रॅम द्राक्षांमध्ये ६७ कॅलरीज असतात. ज्यामुळे तुमचा लठ्ठपणा कमी होण्याऐवजी अधिक वाढू शकतो. जर तुम्ही डाएट करत असाल तर याचे सेवन टाळा

4. आंबा

आंबा अनेकाचे आवडते फळ. जर तुम्ही वजन कमी करत असाल तर आंबा खाणे टाळा. उन्हाळ्यात एकापेक्षा जास्त आंबे खाणे टाळा. एका आंब्यामध्ये सुमारे १०० कॅलरीज असतात. यासाठी याचे सेवन मर्यादेत करायला हवे.

डिस्क्लेमर: सदर लेख फक्त सामान्य माहितीसाठी आहे. अधिक तपशीलांसाठी नेहमी आपल्या डॉक्टरांशी संपर्क साधा.