Vastu Tips For Bedroom :

वास्तूशास्त्रानुसार अशा अनेक गोष्टी आहेत ज्याचा आपल्या शारीरिक आणि मानसिकतेवर परिणाम होतो. घरामध्ये सर्वकाही सुरळीत असताना देखील सतत पैशांची चणचण भासणे, वाईट घडणे यांसारख्या गोष्टींना कुठे तरी वास्तूदोषाचा समावेश असतो.

आपल्या घरातील सगळ्यात महत्त्वाची जागा बेडरुम. बेडरुमची जागा योग्य नसेल तर आपल्याला अनेक गोष्टींना सामोरे जावे लागते. यामुळे नवरा-बायकोच्या नात्यात दूरावा येतो. वास्तूदोष निर्माण झाल्यामुळे मन देखील अशांत राहाते. जीवनात अनेक समस्यांना सामोरे जावे लागते. असे म्हटले जाते की, झोपताना या गोष्टी पलंगाच्या जवळ ठेवल्याने नकारात्मकता वाढते. जाणून घेऊया बेडरुममध्ये या गोष्टी ठेवू नका. ('साम टीव्ही'चं व्हॉट्सअ‍ॅप चॅनल जॉईन करण्यासाठी येथे क्लिक करा)

• वास्तूशास्त्रानुसार (Vastu tips) शूज आणि चप्पल पलंगाखाली ठेवू नये. यामुळे नकारात्मकता वाढते.

• पलंगाखाली लोखंडी, प्लास्टिक किंवा इलेक्ट्रॉनिक उपकरणे ठेवणे टाळावे. यामुळे घरात (Home) वास्तूदोष निर्माण होतो.

• वास्तूशास्त्रानुसार पलंगाखाली झाडू ठेवू नये. यामुळे घरातील व्यक्तीच्या आरोग्यावर परिणाम होतो. जीवनात आर्थिक (Money) समस्यांना समोरे जावे लागते.

• पलंगाखाली सोने किंवा चांदी ठेवणे अशुभ मानले जाते. यामुळे घरात सतत भांडणे होतात.

• बेडजवळ झोपताना पाण्याची बाटली ठेवू नका. ज्यामुळे कुंडलीतील चंद्र कमजोर होतो. त्यामुळे व्यक्तीच्या मानसिक आरोग्यावर परिणाम होतो.

• झोपताना न धुतलेले घाणेरडे कपडे बेडजवळ ठेवू नयेत. वास्तूशास्त्रानुसार यामुळे जीवनावर नकारात्मक परिणाम होतो.

• लोक झोपताना अनेकदा बेडजवळ चप्पल काढतात, वास्तुनुसार असे करणे टाळावे. -

• अनेक वेळा चहा, कॉफी किंवा दूध प्यायल्यानंतर लोक कप किंवा ग्लास रात्रभर बेडसाइडच्या टेबलवर ठेवतात. वास्तूनुसार, न धुतलेली भांडी पलंगाच्या जवळ ठेवणे टाळावे. यामुळे झोपेत भयानक स्वप्ने पडतात.

• वास्तूनुसार झोपताना उशीजवळ पुस्तक ठेवू नये. यामुळे नकारात्मक ऊर्जा निर्माण होते आणि जीवनातील प्रगतीच्या मार्गात अडथळे निर्माण होतात.

टीप : येथे दिलेली माहिती धार्मिक मान्यता आणि गृहितकांवर आधारित आहे. साम टीव्ही त्याचे समर्थन करत नाही.