हिवाळ्याच्या मोसमात शिमला, मनाली, नैनिताल आणि मसूरीला जाणे बहुतेक लोकांना आवडते परंतु जर तुम्ही गर्दीपासून दूर राहण्याचा विचार करत असाल तर महाराष्ट्र हा एक चांगला पर्याय आहे. या ठिकाणांना भेट देण्यासाठी तुम्हाला जास्त विचार करण्याची गरज नाही. तुमचे मित्र आणि कुटुंबाव्यतिरिक्त, तुम्ही येथे एकट्या सहलीची योजना देखील करू शकता.
महाबळेश्वर हे एक अतिशय सुंदर ठिकाण आहे. हे हिल स्टेशन त्याच्या हिरव्यागार दऱ्या, स्ट्रॉबेरी फार्म आणि नेत्रदीपक दृश्य बिंदूंसाठी प्रसिद्ध आहे. इथे गेल्यास आर्थर सीट, एल्फिन्स्टन पॉइंट आणि वेण्णा लेकच्या दृश्यांचा आनंद घेता येईल.
या हिल स्टेशनवर जायचे असेल तर हि दोन्ही ठिकाणे हिवाळ्यात आणखीनच सुंदर होतात. ही हिल स्टेशन्स मुंबई आणि पुण्याजवळ आहेत. कार्ला आणि भाजे लेणी, भुशी डॅम आणि लोणावळा तलाव हे हिवाळ्यात पाहण्यासारखे आहेत.
पाचगणी हे भारताच्या महाराष्ट्र राज्यातील सातारा जिल्ह्यात आहे. तुम्हाला शांत वातावरण आवडत असेल तर तुमच्यासाठी यापेक्षा चांगली जागा असू शकत नाही.पाचगणी हे त्याच्या शांत वातावरणासाठी आणि पाच टेकड्यांमध्ये वसलेल्या सुंदर दृश्यांसाठी ओळखले जाते. येथे जाऊन तुम्ही पॅराग्लायडिंग देखील करू शकता.
जर तुम्हाला इतिहासात रस असेल तर विचार न करता अजिंठा-वेरूळ लेण्यांना भेट देण्याची योजना करा. या लेणी युनेस्कोच्या जागतिक वारसा स्थळे आहेत आणि त्यांच्या प्राचीन कला आणि स्थापत्यकलेसाठी प्रसिद्ध आहेत. हिवाळ्यात या लेण्यांना भेट देणे आनंददायी असते.
जर तुम्हाला वन्यजीवांची आवड असेल तर हे ठिकाण तुमच्यासाठी योग्य आहे. ताडोबा राष्ट्रीय उद्यान,६२६ चौरस किलोमीटरमध्ये पसरलेले, हे महाराष्ट्र राज्यातील सर्वात मोठे आणि सर्वात जुने राष्ट्रीय उद्यान आहे. वाघांव्यतिरिक्त, या उद्यानात हरिण, बिबट्या आणि पक्ष्यांच्या अनेक प्रजाती आहेत.
जर तुम्हाला समुद्रकिनारी राहण्याची आवड असेल तर हे ठिकाण तुमच्यासाठी योग्य आहे. प्रसन्न समुद्रकिनारे, गणपतीपुळे मंदिर आणि कोकणी खाद्यपदार्थ ही येथील आकर्षणे आहेत. या ठिकाणचे हवामान हिवाळ्यात आल्हाददायक असते आणि प्रवास करणे आनंददायी असते. तुमच्या आवडीनुसार तुम्ही या ठिकाणांमधून निवड करू शकता.
Edited by - अर्चना चव्हाण