फुफ्फुसांचा कॅन्सर हा जगातील सर्वात जीवघेण्या आजारांपैकी एक मानला जातो. बहुतेकदा हा आजार उशिरा समोर येतो, जेव्हा त्यावर उपचार करणं कठीण होतं. डॉक्टरांचं म्हणणं आहे की, जर याचं सुरुवातीची लक्षणं वेळेत ओळखली तर यावर उपचार शक्य होतात.

मात्र कोणत्याही आरोग्याच्या समस्येची लक्षणं दिसून येतात. असंच शरीर आधीच काही संकेत देऊ लागतं पण लोक त्यांना किरकोळ समजून दुर्लक्ष करतात. ही लक्षणं नेमकी काय आहे आणि ती कधी दिसून येतात ते जाणून घेऊया.

खोकला आणि रक्त येणं

फुफ्फुसाच्या कॅन्सरचं एक सामान्य सुरुवातीचं लक्षण म्हणजे सतत खोकला होणं. जर खोकला सलग एक-दोन आठवड्यांपेक्षा जास्त काळ राहिला तर त्याकडे दुर्लक्ष करू नये. त्याचप्रमाणे खोकताना रक्त येणं हे देखील कॅन्सरचं एक गंभीर लक्षण असू शकतं.

श्वास घेण्यात त्रास आणि छातीत वेदना

दैनंदिन काम करताना अचानक श्वास लागणं किंवा खोल श्वास घेताना छातीत वेदना होणं हीसुद्धा सुरुवातीची लक्षणं असू शकतात. हे फुफ्फुसात हवेच्या प्रवाहात अडथळा निर्माण झाल्यामुळे होतं.

वजन कमी होणं

काही रुग्णांमध्ये कॅन्सर वाढू लागल्यावर भूक कमी होते आणि प्रयत्न न करता देखील वजन झपाट्याने कमी होऊ लागतं. हे देखील आजाराचे एक महत्त्वाचं संकेत आहे.

थकवा आणि वारंवार संसर्ग

कॅन्सरमुळे येणारा थकवा हा नेहमीच्या थकव्यापेक्षा वेगळा असतो. यामध्ये व्यक्तीला विश्रांती घेतल्यानंतरही जात नाही. याशिवाय वारंवार ब्रॉन्कायटिस किंवा न्यूमोनिया सारख्या श्वसनाच्या आजारांनी त्रास होणं, हा धोक्याचा इशारा असू शकतो.

चेहरा आणि मानेमध्ये सूज

काही रुग्णांमध्ये चेहरा आणि मानेत सूज येते. हे रक्तवाहिन्यांवर वाढलेल्या दाबामुळे होण्याचा धोका असतो. त्यासोबतच आवाज बसणं किंवा जड होणेही दिसून येते.

वेळेवर तपासणी आवश्यक

तज्ज्ञांचं म्हणणं आहे की, शरीराचे हे संकेत दुर्लक्षित करणं धोकादायक ठरू शकतं. लवकर तपासणी आणि योग्य उपचार हे फुफ्फुसाच्या कॅन्सरपासून बचाव करण्याचे सर्वात प्रभावी मार्ग आहेत.

डिस्क्लेमर : वरील माहिती आम्ही फक्त वाचक-प्रेक्षकांना देत आहोत. आम्ही याचं समर्थन अथवा दावा करत नाही. कोणतेही उपचार, डाएट आणि औषधं तज्ज्ञांच्या सल्ल्यानंच घ्यावीत.