गणेशोत्सव गणेश चतुर्थीपासून सुरू होऊन अनंत चतुर्दशीपर्यंत मोठ्या उत्साहात साजरा केला जातो. अनंत चतुर्दशीच्या दिवशी दहा दिवसांच्या उत्सवानंतर गणरायाला निरोप दिला जातो आणि विसर्जनाची विधी पार पाडली जाते.

यंदा अनंत चतुर्दशी ६ सप्टेंबर २०२५ रोजी आहे. या दिवशी कोणते शुभ मुहूर्त उपलब्ध आहेत आणि गणपतीचे विसर्जन कसे करावे ते जाणून घेऊया.

गणेश विसर्जन मुहूर्त २०२५

• चतुर्दशी तिथी सुरू – ६ सप्टेंबर २०२५, पहाटे ३:१२

• चतुर्दशी तिथी समाप्त – ७ सप्टेंबर २०२५, पहाटे १:४१

शुभ मुहूर्त

• प्रातः मुहूर्त (शुभ) – सकाळी ०७:३६ ते ०९:१०

• अपराह्न मुहूर्त (चर, लाभ, अमृत) – दुपारी १२:१९ ते संध्याकाळी ०५:०२

• सायंकालीन मुहूर्त (लाभ) – संध्याकाळी ०६:३७ ते रात्री ०८:०२

• रात्रीचे मुहूर्त (शुभ, अमृत, चर) – रात्री ०९:२८ ते पहाटे ०१:४५

• उषाकालीन मुहूर्त (लाभ) – ७ सप्टेंबर रोजी सकाळी ०४:३६ ते ०६:०२

दहा दिवसांनंतरच विसर्जन का करावे?

शास्त्रांनुसार, गणेश चतुर्थीला बाप्पाची स्थापना करून दहा दिवसांचा संकल्प घेतला जातो. त्यामुळे अनंत चतुर्दशीला हा संकल्प पूर्ण करून गणरायाला निरोप देणे आवश्यक मानले जाते. योग्य वेळी व योग्य विधीने विसर्जन न केल्यास धार्मिक दृष्ट्या दोष लागू शकतो, अशी मान्यता आहे.

गणेश विसर्जन विधी

• विसर्जन नेहमी शुभ मुहूर्तात करावा.

• विसर्जनापूर्वी गणेशाची अंतिम पूजा करून त्यांना दूर्वा, फुलं, मोदक आणि लाडू अर्पण करावेत.

• “ॐ गं गणपतये नमः” या मंत्रासह गणेश स्तोत्राचे पठण करावे.

• घरातील सर्वांनी मिळून बाप्पाची आरती करून त्यांना उत्साहात निरोप द्यावा.

• विसर्जन मिरवणुकीदरम्यान “गणपती बाप्पा मोरया, पुढच्या वर्षी लवकर या” असा जयघोष करावा.

• घरी विसर्जन करत असाल तर स्वच्छ भांड्यात पाणी घेऊन त्यात मूर्ती ठेवावी.

• मूर्ती पूर्णपणे विरघळल्यानंतर ते पाणी झाडांना घालावे, यामुळे पर्यावरणाचेही रक्षण होते.

(Disclaimer - या ठिकाणी दिलेली माहिती शास्त्रावर आधारित असून ती केवळ माहितीसाठी दिली जात आहे. आम्ही या गोष्टींना दुजोरा देत नाही. कोणताही उपाय करण्यापूर्वी संबंधित विषयातील तज्ज्ञांचा सल्ला अवश्य घ्या.)