सध्याच्या लाइफस्टाइलमध्ये मोठ्या प्रमाणात बदल झालेले आपल्याला पाहायला मिळत आहेत. बदल म्हणजे खाण्यापिण्यात किंवा राहणीमानातच नाही तर कामाच्या पद्धतीत सुद्धा झालाय. कामात सलग ८ ते ९ तास बसून राहावं लागतं. त्याचा परिणाम तुमच्या शरीरावर होतो आणि तुम्हाला कमी वयातच काही गंभीर समस्यांना सामोरं जावं लागतं. त्यातला एक सर्वात घातक आजार म्हणजे किडनी स्टोन हा आहे.

किडनीस्टोनचं सर्वात महत्वाचं लक्षण

कंबरेच्या एका बाजुला जर अचानक वेदना व्हायला सुरुवात झाली असेल आणि ती पोटाच्या खालच्या भागात होत असेल तर त्याला किडनी स्टोनचं गंभीर लक्षण समजा. डॉक्टर म्हणतात की, किडनीमध्ये तयार झालेला खडा जेव्हा मुत्रमार्गातून सरकतो तेव्हा तुम्हा खूप वेदना व्हायला सुरु होतात. या वेदना कधीही सुरु होतात.

लक्षात ठेवा की, किडनी स्टोनची सर्वात सुरुवातीची आणि सामान्य वाटणारी लक्षणं ही पाठ किंवा कंबरेच्या भागात वेदना होणे ही आहेत. पण त्यातला फरक तुम्ही ओळखला पाहिजे. किडनी स्टोनची लक्षणं ही सुरुवातीला दिसत नाहीत. म्हणूनच याला सायलेंट स्टोन म्हणतात. पण स्टोनमुळे मुत्रमार्गात अडथळा निर्माण होतो.

तुम्हाला या आजाराच्या लक्षणांमध्ये कंबरदुखी, पाठ दुखी, मळमळ, उलट्या, लघवी करताना जळजळ, वेदना अशी त्रासदायक लक्षणं जाणवतात. काही रुग्णांना सतत लघवीला जावं लागतं, काहींच्या लघवीतून रक्त येतं, लघवीचा रंग बदलो. जो गुलाबी किंवा लालसर होतो.

तुम्हाला अशी लक्षणं जाणवत असतील तर तुम्ही वेळीच डॉक्टरांच्या सल्ल्याने त्यावर उपचार केले पाहिजेत. पुरेसं पाणी पित राहिलं पाहिजे. हा किडनी स्टोन टाळण्याचा सर्वात प्रभावी उपाय आहे. तसेच मिठाचं प्रमाण कमी ठेवणंही महत्त्वाचं आहे. ताप, थंडी, सतत उलट्या, लघवी करताना अडचण किंवा लघवीत रक्त दिसत असतील तर त्याकडे अजिबात दुर्लक्ष करू नका.

टीप : वरील माहिती आम्ही फक्त वाचक-प्रेक्षकांपर्यंत पोहचवत आहोत. याचं समर्थन अथवा दावा करत नाही. त्यामुळे कोणतेही उपचार, डाएट आणि औषधं तज्ज्ञांच्या सल्ल्यानं घ्यावीत.