पिरीयड्समध्ये बऱ्याच महिलांना पोटदुखी, क्रॅम्प्स तसंच पाय दुखणं याचा सामना करावा लागतो. अनेकदा या वेदना सहन करताना महिलांना ऑफिस आणि घरातील कामंही करावी लागतात. अशावेळी पेनकिलरचा वापर महिलांमध्ये मोठ्या प्रमाणात केला जातो. मात्र बहुतेक वेळा असा प्रश्न पडतो की, पिरीयड्सच्या वेदना थांबवण्यासाठी पेनकिलर घेणं कितपत योगय आहे.

तज्ज्ञांच्या सांगण्यानुसार, दर महिन्याला अशा प्रकारच्या पेनकिलर घेण्यापेक्षा नॅचरल पद्धतीने या वेदना महिला थांबवू शकतात. यामध्ये कोणते असे उपाय आहेत, ज्यामुळे आपण या वेदना थांबवू शकतो.

गरम शेक घेणं

थंडीच्या दिवसात अनेकजण या उपायाचा वापर करतात. यामध्ये गरम पाण्याची बाटली किंवा हिटींग पॅड तुम्हाला होत असलेल्या वेदना कमी करतात. गरम शेक दिल्यामुळे गर्भाशयाच्या स्नायूंना आराम मिळतो. शिवाय यामुळे तुमचा रक्तप्रवाह देखील सुधारतो.

आल्याचा चहा

इराणमध्ये करण्यात आलेल्या ५ अभ्यासांनुसार असं समोर आलंय की, पिरीयड्समध्ये जास्त वेदना झाल्यास आल्याच्या पावडरमुळे चांगला आराम मिळतो. आल्यामध्ये एंटी इंफ्लेमेट्री आणि एनाल्जेसिक गुण असतात. ज्यामुळे वेदनेमध्ये तुम्हाला आराम मिळतो. अशामध्ये जर तुम्ही हा चहा प्यायल्यात तर तुम्हाला फायदा होतो.

योगा

मासिक पाळीच्या वेदनांदरम्यान हलक्या व्यायामामुळे रक्ताभिसरण सुधारतं. यामुळे स्नायूंवर येणारा ताण कमी होतो. बालासन आणि मार्जरासन-बितीलासन सारख्या योगासनांमुळे चांगला आराम मिळतो.

आहार

मॅग्नेशियममध्ये स्नायूंना आराम देणारे गुणधर्म असतात. हिरव्या पालेभाज्या , काजू आणि बिया हे मॅग्नेशियमचे उत्कृष्ट स्रोत आहेत. अशावेळी मासिक पाळीच्या वेदना कमी करण्यासाठी आहारात यांचा समावेश करावा.

हायड्रेशन

हर्बल टी सोबतच पुरेशा प्रमाणात हायड्रेशन राखणं देखील महत्त्वाचं आहे. डिहायड्रेशनमुळे स्नायूंवर परिणाम होऊन वेदना वाढू शकतात. अशा परिस्थितीत, बडीशेप चहा पोटफुगी कमी करू शकतो आणि भरपूर पाणी प्यायल्याने आराम मिळू शकतो.

टीप : वरील माहिती आम्ही फक्त वाचक-प्रेक्षकांपर्यंत पोहचवत आहोत. याचं समर्थन अथवा दावा करत नाही. त्यामुळे कोणतेही उपचार, डाएट आणि औषधं तज्ज्ञांच्या सल्ल्यानं घ्यावीत.