Hygiene In Menstruation : मासिक पाळीदरम्यान स्वच्छतेची विशेष काळजी घेणे अत्यंत आवश्यक आहे. या दरम्यान महिलांनी काही निष्काळजीपणा केल्यास आरोग्याच्या अनेक समस्या उद्भवू शकतात. याबाबत जागरूकता वाढवण्यासाठी दरवर्षी मासिक पाळी स्वच्छता दिवसही साजरा केला जातो. हा दिवस दरवर्षी 28 मे रोजी साजरा केला जातो. महिलांना मासिक पाळीशी संबंधित अचूक माहिती असणे अत्यंत आवश्यक आहे.

अशा परिस्थितीत जर तुम्ही स्वच्छतेची काळजी घेतली नाही तर त्यामुळे तुम्हाला खाज येणे, जळजळ होणे आणि UTI सारख्या समस्या उद्भवू शकतात. मासिक पाळी (Menstruation) दरम्यान स्वच्छतेची (Clean) काळजी घेण्यासाठी तुम्ही कोणत्या टिप्स फॉलो करू शकता हे पाहूयात.

सॅनिटरी पॅड/टॅम्पन्स बदलणे -

तुम्ही दर 4 ते 6 तासांनी सॅनिटरी पॅड बदलत राहणे महत्त्वाचे आहे. याशिवाय दर 4 ते 8 तासांनी टॅम्पॉन्स बदलले पाहिजेत. दीर्घकाळापर्यंत वापर केल्यास जीवाणूंचे प्रजनन केंद्र बनू शकते. हे नंतर तुमचे नुकसान करण्याचे काम करते.

स्वच्छ कपडे आणि अंतर्वस्त्रे -

अंतर्वस्त्रे चांगले धुतलेले घ्यावेत. अंतर्वस्त्रे नीट धुवा आणि उन्हात वाळवा. ओले अंतर्वस्त्र घालणे टाळा. त्यात विविध प्रकारचे जीवाणू असू शकतात.

स्वतःला स्वच्छ ठेवा -

पीरियड्स दरम्यान स्वतःला स्वच्छ ठेवणे खूप महत्वाचे आहे. आंघोळीच्या वेळी योनिमार्गाची स्वच्छता करण्यासाठी तुम्ही कोमट पाणी वापरू शकता. योनिमार्गाची स्वच्छता करण्यासाठी रसायनयुक्त उत्पादने वापरणे टाळा. सॅनिटरी पॅड/टॅम्पॉन्स बदलल्यानंतर लगेच हात धुवा. या सर्व छोट्या छोट्या गोष्टींची काळजी घ्या.

सक्रीय रहा -

मासिक पाळीच्या काळात महिलांना पोटदुखी, पाठदुखी आणि हात-पाय दुखणे अशा समस्या असतात. यादरम्यान, पीरियड ब्लोटिंगचाही सामना करावा लागतो. हे टाळण्यासाठी काही वेळ चालणे किंवा योगासने करणे आवश्यक आहे. हे तुम्हाला मासिक पाळी दरम्यान पॅनपासून मुक्त होण्यास मदत करेल.

हायड्रेटेड रहा -

पीएच पातळी राखण्यासाठी, आपण वेळोवेळी पाणी पिणे आवश्यक आहे. स्वत:ला हायड्रेट ठेवण्यासाठी, तुम्ही पाणी पिणे महत्त्वाचे आहे. त्यामुळे संसर्गाचा धोकाही कमी होतो.

डिस्क्लेमर: सदर लेख फक्त सामान्य माहितीसाठी आहे. अधिक तपशीलांसाठी नेहमी आपल्या डॉक्टरांशी संपर्क साधा