प्रत्येकाला वाटत असतं की, आपलीही त्वचा चित्रपटातील एखाद्या सुंदर अभिनेत्री सारखी असावी. यासाठी अनेक महागडे स्किन केअर प्रोडक्ट्स, औषधे, स्किन ट्रिटमेंट्स, घरगुती उपाय केले जातात. एवढे सगळे करूनही हवी तशी त्वचा मिळवता येत नाही. बाहेरून त्वचेची कितीही निगा राखली तरी, त्वचेला आतून पोषण मिळाले नाही तर यासगळ्याचा काहीही उपयोग होत नाही. म्हणून योग्य आहार घेणे आवश्यक आहे. यासाठी तुम्ही बीट आणि चिया सीड्सपासून बनलेल्या हेल्दी सुपरड्रिंकचे सेवन करू शकता.

बीटरूट आणि चिया सीड्समध्ये मोठ्याप्रमाणात अँटिऑक्सिडंट्स असतात. जे त्वचेसाठी खुपच फायदेशीर ठरतात. बीटरूट मध्ये असलेला नैसर्गिक रंग त्वचेला गुलाबी चमक देतो. यातील पोषक घटक त्वचेला आधिक तरूण व चमकदार बनवतात. बीटरूटमधील अँटिऑक्सिडंट्स फ्री रेडिकल्सशी लढतात आणि त्वचेचे नुकसान होण्यापासून वाचवतात. यामुळे त्वचा लवकर म्हातारी होत नाही. डाग आणि पुरळ कमी करण्यास मदत होते.

चिया सीड्समुळे त्वचेला हायड्रेशन मिळते ज्याने त्वचा मुलायम राहते. यातील थंड गुणधर्म त्वचेला जळजळ आणि लालसरपणापासून वाचवतात. यामध्ये मोठ्या प्रमाणात ओमेगा-३ फॅटी ऍसिड असते जे त्वचेसाठी अत्यंत उपयुक्त ठरतं. यामुळे त्वचेवर येणाऱ्या सुरकुत्या व बारीक रेषा कमी करण्यास मदत होते. शिवाय व्हिटॅमिन ई त्वचेला सूर्याच्या हानिकारक किरणांपासून वाचवते. तुम्ही तुमच्या आहारात बीटरूट आणि चिया सीड्सचा समावेश एक हेल्दी ड्रिंक म्हणून करू शकता.

बीटरूट आणि चियासीड्सचे ड्रिंक कसे बनवायचे?

१. एक चमचा चिया सीड्स काहीवेळ पाण्यात भिजत ठेवा.

२. मिक्सरच्या मदतीने एक बीटरूट पाण्यासह बारीक करून ज्यूस तयार करा.

३. या ज्यूसमध्ये भिजलेले चियासीड्स घाला.

४. हवे असल्यास त्यात चवीनुसार मीठ व लिंबाचा रस घाला.

त्वचेसाठीचे हेल्दी ड्रिंक तयार आहे.