किडनी आपल्या शरीरातील महत्वाचा अवयव आहे. जो रक्तातील टाकाऊ पदार्थ आणि अतिरीक्त घाण काढून टाकण्यास मदत करतो. परंतु आजच्या धावपळीच्या आणि बदलत्या जीवनशैलीत अनेकांना खाण्यापिण्याच्या पद्धतीत होणाऱ्याबदलमुळे किडनीवर होण्याऱ्या परिणामांवर अनेकांनी चिंता व्यक्त केली आहे. विषेशत: मधुमेह आणि उच्च रक्तदाब ही किडनी खराब होण्याची प्रमुख कारणे आहेत.

या आजारांना नियंत्रीत ठेवणे गरजेचे -

रक्तातील साखरेची पातळी अनियंत्रित राहिल्यास किडनीच्या सूक्ष्म रक्तवाहिन्यांवर विपरीत परिणाम होतो, ज्यामुळे त्या योग्य प्रकारे रक्त गाळू शकत नाहीत. तसेच उच्च रक्तदाबामुळे किडनीवरील ताण वाढतो आणि हळूहळू किडनीचे कार्य मंदावू लागते.

लक्षणे सुरुवातीला न दिसणे

किडनीच्या आजाराची सर्वात मोठी समस्या म्हणजे सुरुवातीच्या टप्प्यात याची कोणतीही स्पष्ट लक्षणे दिसत नाहीत. त्यामुळे आजार मोठा झाल्यानंतरच बऱ्याचदा याची माहिती होते.

या आजारांवर हे उपाय करा -

रक्तातील साखर नियंत्रणात ठेवा: मधुमेह असणाऱ्यांनी नियमितपणे आपल्या साखरेची पातळी तपासावी आणि डॉक्टरांच्या सल्ल्यानुसार योग्य आहार व औषधोपचार घ्यावेत.

ब्लड प्रेशर आटोक्यात ठेवा: नियमितपणे रक्तदाब तपासावा आणि आहारात मिठाचे प्रमाण कमी ठेवावे.

आहार आणि जीवनशैलीत बदल करा

• निरोगी आहार, नियमित व्यायाम आणि पुरेशा प्रमाणात पाणी पिणे किडनीच्या आरोग्यासाठी फायदेशीर ठरते.

• धूम्रपान टाळा: धूम्रपानामुळे रक्तवाहिन्यांचे नुकसान होते, ज्यामुळे किडनीच्या आजारांचा धोका वाढतो.