देशभरात कोरोनाचे रुग्ण सातत्याने वाढत आहेत. त्याच दरम्यान 15 ते 18 वयोगटातील मुलांचे लसीकरणही सुरू झाले आहे. या लसीचे कोणतेही दुष्परिणाम आतापर्यंत नोंदवले गेलेले नाहीत. तथापि, पालकांनी सुद्धा लक्ष दिले पाहिजे की लस घेतल्यानंतर आपल्या मुलांमध्ये काही लक्षणे तर दिसून येत नाहीत. जर तुमच्या किशोरवयीन मुलांनी लस घेतली असेल किंवा ती घेण्याची तयारी करत असेल, तर तुमच्यासाठी काही महत्त्वाच्या गोष्टी जाणून घेणे महत्त्वाचे आहे. (Corona Vaccination For Children)

लसीकरणानंतर काही परिणाम दिसले तर व्हा अलर्ट;

लसीनंतर झाल्यानंतर त्याचे काही दुष्परिणाम प्रौढांमध्ये दिसून आले आहेत. त्यामुळे मुलांमध्ये देखील दुष्परिणाम दिसून येऊ शकतात ही शक्यता नाकारता येत नाही. एका वृत्तसंस्थेने दिलेल्या वृत्तानुसार, फोर्टिस हॉस्पिटलचे डॉ विकास मौर्य म्हणाले, "किशोरांना लसीनंतर काही सौम्य लक्षणे दिसू शकतात जसे की ताप, डोकेदुखी, इंजेक्शनच्या ठिकाणी वेदना, थकवा इ. लस दिल्यानंतर या व्यतिरिक्त काही विचित्र लक्षणे आढळल्यास पालकांनी त्वरित डॉक्टरांशी संपर्क साधावा.

लस दिल्यानंतर या मार्गदर्शक तत्वांचे पालन करा;

लस दिल्यानंतर, अधिक पाणी पिणे, संतुलित आहार घेणे यासारख्या आरोग्य मार्गदर्शक तत्त्वांचे पालन करणे महत्त्वाचे आहे. आहारात हिरव्या भाज्या, हळद, लसूण आणि व्हिटॅमिन सी समृद्ध फळे घ्या. यासोबतच ७ ते ८ तासांची गाढ झोप घेणे देखील आवश्यक आहे. (Children Corona Vaccination)

हे देखील पहा-

मुलांची घ्या विशेष काळजी;

जर इंजेक्शन दिलेल्या ठिकाणी जास्त वेदना होत असतील तर, तुम्ही हलके हाताचे व्यायाम करू शकता. त्यासोबत मास्क नियमित वापर, अत्यावश्यक कामाशिवाय घराबाहेर पडू नका, सामाजिक अंतर पाळा आणि हात धुत रहा. कोविडच्या तिसर्‍या लाटेत, लहान मुलांना लस न मिळाल्यामुळे त्यांना सुरुवातीपासूनच धोका असल्याचे सांगण्यात येत आहे. त्यामुळे मुलांची विशेष काळजी घ्या.