नवी दिल्ली : भारताच्या तुलनेत जगातील काही देश खूप महागडे आहेत. या महागड्या देशांमध्ये राहणे, खाणे आणि फिरण्याचा खर्च पाहून डोळे फिरतील. जगातील काही देशांमध्ये जेवण्यासाठी देखील १० हजार रुपये खर्च करावे लागतात.

यूरोपमधील नॉर्वे महागडा देश

यूरोपमधील नॉर्वे या देशात जगातील सर्वात महागडे जेवण मिळते. नॉर्वेत राहण्यासाठी २५ टक्के व्हॅट द्यावा लागतो. तर खाणे-पिण्यावर १५ टक्के टॅक्स भरावा लागतो. त्यामुळे नॉर्वेमध्ये राहणे खूप महागडे आहे. युरोपच्या इतर देशाच्या तुलनेत नॉर्वे देश खूप महागडा आहे.

बरमूडा देश अमेरिकेपेक्षा महागडा

महागड्या देशामध्ये बरमूडा देशाचा देखील सामावेश होतो. या देशात होणाऱ्या यात्रेसाठी देखील टॅक्स द्यावा लागतो. या देशातील महगाई आणि लक्झरी जीवन अमेरिकेपेक्षाही महागडे आहे.

यूरोपमध्ये नार्वेनंतर स्वित्झर्लंड देशाचा क्रमांक लागतो. या देशाचा लिव्हिंग इंडेक्स १२२.४ आहे. तर रेंट इंडेक्स ५०.२५ आहे. हा देश महाग आहे, कारण या देशात शेती होत नाही. समुद्र किनारी असलेल्या या देशाचा प्रमुख व्यवसाय पर्यटन हा आहे. देशातील बहुतांश लोकांचा संबंध पर्यटनाशी संबंधित क्षेत्राशी येतो.

आइसलँड आणि जपान या दोन्ही देशांचा होतो महागड्या देशांमध्ये समावेश

आइसलँडचाही महागड्या देशामध्ये समावेश होतो. येथील लिविंग इंडेक्स १००.४८, रेंट इंडेक्स ४६.९५ टक्के इतका आहे. देशातील खाणे-पिणे आणि साहित्य इतर देशातून येते. आशिया खंडातील जपान देशाचाही महगड्या देशामध्ये समावेश होतो. या देशाचा लिव्हिंग इंडेक्स ८३.३५ टक्के आहे. तर रेंट इंडेक्स २५.९७ टक्के इतका आहे. या देशात राहणे खूप महाग आहे, कारण हा देश समुद्र किनाऱ्यावर वसला आहे.