मुंबई : चोराच्या उलट्या बोंबा ही म्हण आपण ऐकलीच असेल. मलेशियात याच म्हणीचं उदाहरण पाहायला मिळालं आहे. येथे राहणाऱ्या एका श्रीमंत व्यावसायिकाने कसिनोविरोधात खटला दाखल केला. लंडनमधील कसिनोमध्ये या व्यावसायिकाने 40 कोटी रुपये जुगारात गमावले. मात्र, या पराभवासाठी त्यांनी स्वत:ऐवजी कसिनोला जबाबदार धरले. या व्यक्तीने त्याच्या नुकसानासाठी कॅसिनोला जबाबदार धरले आणि त्याच्यावर खटला दाखल केला (Malaysian Business Tycoon lost 40 crore rs in gambling sues the casino).

लिम हान जोह असे या मलेशियन (Malaysia) व्यावसायिकाचे नाव आहे. 2015 मध्ये लिम लंडनला (London) बिझनेस ट्रिपवर गेले होते. तेथील एका कसिनोमध्ये लिम हे 40 कोटी हरले. जेव्हा लिमने सर्व पैसे गमावले (Business Tycoon Lost 40 Crore In Gambling) तेव्हा त्यांनी कसिनोवर पलटवार केला. कसिनोविरुद्ध खटला मांडताना ते म्हणाले की, कसिनो मालकाच्या चुकीमुळे त्याला पैसे गमवावे लागले. जेव्हा कसिनोमध्ये काम करणाऱ्याने त्याला पाहिले तेव्हा त्याने त्यांना का थांबवलं नाही? कसिनोने मला जुगार खेळण्यापासून थांबवायला हवे होते, असे लिम म्हणतात. 2015 च्या या घटनेबाबत त्यांनी कसिनोवर खटला (Sues Casino) दाखल केला आहे.

उद्योगपती लिम हे मलेशियातील सर्वात श्रीमंत उद्योगपतींपैकी एक आहेत. लिमची मलेशिया आणि लंडनमध्ये मालमत्ता आहे. डेली मेलच्या बातमीनुसार, लिमची एकूण संपत्ती 4 अब्ज रुपयांच्या जवळपास आहे. 2014 मध्ये तो लंडनमधील एका खासगी कसिनोमध्ये जॉईन झाला होता. यामध्ये लिमने पैसे गमावले. या कसिनोमध्ये लिमने सर्व पैसे गमावले. 2015 पासून सुरु असलेल्या या खटल्यात अखेर कसिनोने खटला जिंकला.

लिमने जुगार कायदा 2005 अन्वये कसिनोवर गुन्हा दाखल केला, की प्रसिद्ध लोकांना जुगार खेळण्यापासून थांबवायला पाहिजे. लिमच्या मते, कसिनोने त्याला जुगार खेळण्यापासून थांबवायला हवे होते. त्याने कसिनोवर लालूच दाखवून त्याला पुन्हा पुन्हा जुगार खेळण्यासाठी प्रवृत्त केल्याचा आरोप केला. या लालसेपोटी लिम पुन्हा पुन्हा जुगार खेळत राहिला आणि त्याचे 40 कोटींचे नुकसान झाले.

Edited By - Nupur Uppal