Chapati Pizza Recipe News In Marathi:

पिझ्झा हा पदार्थ सर्वांना खूप आवडतो. पिझ्झा लहानांपासून ते मोठ्यांपर्यंत सर्वजण खतात. परंतु पिझ्झामध्ये मैदा असल्याने अनेकजण आरोग्याच्या दृष्टीने पिझ्झा खाणे टाळतात. परंतु तुम्ही घरच्या घरी पौष्टिक पिझ्झा बनवू शकतात.

पिझ्झामध्ये मैद्याचा बेस असतो. मैदा हा शरीरासाठी चांगला नसतो. त्यामुळे पिझ्झा खाणे टाळावे लागते. त्यामुळेच तुम्ही घरी पोळीचा पौष्टिक पिझ्झा बनवू शकतात. पोळीचा पिझ्झा हा खायला खूप चविष्ट असतो. त्याचसोबत शरीरासाठीही चांगला असतो. हा पिझ्झा लहान मुले सहज खाऊ शकतात.

अनेकांच्या घरी रात्रीचे जेवण पूर्ण संपत नाही. एखादी पोळी शिल्लक राहते. ही पोळी फेकून देण्यापेक्षा दुसऱ्या दिवशी या पोळीचा पिझ्झा तु्म्ही बनवू शकता. आज आम्ही तुम्हाला पोळीच्या पिझ्झाची रेसिपी सांगणार आहोत. (Latest News)

साम्रगी

• रात्रीच्या उरलेल्या चपात्या

• ऑलिव्ह ऑइल किंवा बटर

• कांदा

• शिमला मिरची

• पनीर

• टॉमेटो

• काळी मिरी

• पिझ्झा सॉस

• चिली फ्लेक्ल

• मोझेरेला चीज

• पिझ्झा सॉस किंवा केचअप

कृती

सर्वप्रथम कांदा, टॉमेटो, शिमला मिरची धुवून कापून घ्या. या सर्व भाज्या एका भांड्यात एकत्र करा. त्यात चौकोनी काप केलेले पनीर, काळी मीरी, पिझ्झा सॉस, ऑलिव्ह ऑइल टाकून मिक्स करा. ऑलिव्ह ऑइलऐवजी तुम्ही बटर किंवा लोणीदेखील वापरु शकता. त्यानंतर एका चपातीला टॉमेटो केचअप किंवा पिझ्झा सॉस लावा. यावर मोझेरेला चीज टाका. गॅसवर तवा गरम करा. त्यावर बटर टाकून चपाती गरम करा. त्यावर झाकण ठेवा. चीज वितळल्यानंतर पिझ्झा ताटात ठेवा. यावर चिली फ्लेक्स टाकून तुम्ही पिझ्झा खाऊ शकता.