Mahashivratri 2024 Puja Time :

महाशिवरात्रीचा सण माघ महिन्यातील कृष्ण पक्षाच्या त्रयोदशी तिथीला साजरा केला जातो. यंदा हा सण ८ मार्चला साजरा केला जाणार आहे. या दिवशी भगवान शंकराला प्रसन्न करण्यासाठी अनेकजण उपवास करतात. तसेच मनोभावे प्रार्थना करतात.

असे म्हटले जाते की, या दिवशी भगवान शंकर (lord Shiva) आणि देवी पार्वतीचा विवाह संपन्न झाला होता. यंदाचा शिवरात्री हा सण शिवप्रदोष आणि शिवयोगाच्या शुभ संयोगाने साजरा (Celebrate) केला जाणार आहे.

ज्योतिषशास्त्रानुसार महाशिवरात्रीला (Mahashivratri) भगवान शंकराची विधीपूर्वक पूजा केल्याने भाविकांच्या सर्व मनोकामना पूर्ण होतात. जाणून घेऊया महाशिवरात्रीच्या दिवशी पूजा करण्याचा मुहूर्त, विधी आणि उपाय.

1. महाशिवरात्रीच्या पूजेचा शुभ मुहूर्त

हिंदू पंचांगानुसार ८ मार्च रोजी रात्री ९.५८ वाजल्यापासून भगवान शंकराच्या जलाभिषेकाला सुरुवात होईल. शुभ आणि अमृत काळात पूजा केल्याने सर्व भक्तांच्या मनोकामना पूर्ण होतील. या दिवशी मध्यरात्री पूजा आणि व्रत केल्याने शुभ फल मिळते अशी मान्यता आहे.

2. पूजा विधी

शास्त्रानुसार ८ मार्चच्या मध्यरात्री भगवान भोलेनाथांना प्रसन्न करण्यासाठी भोलेनाथांना प्रसन्न करण्यासाठी गंगाजल, दूध किंवा उसाच्या रसाने अभिषेक करणे चांगले मानले जाते. मनोकामना पूर्ण करण्यासाठी पूजेत बेलपत्र, भांग, धतुरा आणि शमीची फुले, कणेर, फळे आणि मिठाई अर्पण करा. शंकराला प्रसन्न करण्यासाठी निळ्या, पिवळ्या आणि पांढऱ्या फुलांसोबत तीळ अर्पण करा.

3. उपाय काय कराल?

जर तुमच्या कुंडलीत कालसर्प किंवा राहू दोष असेल तर महाशिवरात्रीला चांदी किंवा तांब्याच्या नागाची जोडी अर्पण करा. तसेच शक्य असल्यास शिव रुद्राभिषेक करावा.

टीप : येथे दिलेली माहिती धार्मिक मान्यता आणि गृहितकांवर आधारित आहे. साम टीव्ही त्याचे समर्थन करत नाही.