सध्या उन्हाळा प्रचंड वाढत चालला आहे. या दिवसात घराबाहेर पडणं जर कठीणच वाटतं. कारण त्याने खूप जास्त घाम येतो, चिडचिड होते, थोडं चालल्यावर दम लागतो. त्यामुळे अनेकांना जास्तीचा त्रास सहन करावा लागतो. उन्हामुळे कधीकधी अचानक चक्करसुद्धा येऊ शकते. अचानक उभं राहताना डोळ्यासमोर अंधार येतो, डोकं हलकं वाटतं आणि काही वेळासाठी सगळं फिरत असल्यासारखं वाटत. ही लक्षण फक्त उन्हामुळेच नाही तर तुम्हाला इतर जीवघेण्या आजारांमुळेही होऊ शकतात. पुढील बातमीत आपण याबद्दल सविस्तर जाणून घेणार आहोत.

डॉक्टरांच्या म्हणण्यानुसार, चक्कर येणं हे फक्त उन्हाचं नाही तर ब्लड प्रेशर, रक्तप्रवाह आणि शरीरात असणारी पाण्याची कमतरता याची चिन्ह किंवा संकेत असतात. यामध्ये अनेकांना बसल्या जागेवर उठल्यावर लगेचच चक्कर येते. विशेषत जे रुग्ण ब्लड प्रेशरचे आहेत. त्यांना या लक्षणांना फक्त उन्हाळ्यामध्येच नाही तर इतर वेळेस सुद्धा सामोरं जावं लागतं. यावर डॉक्टरांनी उत्तम प्रकारे तुमची चूक सांगितले आहे. कारण जीवनशैलीतल्या बदलांमुळे तुमच्या हार्टवर नेहमीच परिणाम होतो.

जेव्हा तुम्ही Dr Ashish Agarwal यांनी msn वेबसाईटने प्रसारिक केलेल्या वृतात असे सांगितले आहे की, बसलेल्या अवस्थेतून उभं राहताना रक्तदाबात तात्पुरता कमी होतो. गुरुत्वाकर्षणामुळे रक्त पायांपर्यंत सरकतो आणि मेंदूकडे जाणारा प्रवाह काही वेळासाठी कमी होतो. जेव्हा शरीर याला प्रतिसाद देत नाही, तेव्हा काही वेळासाठी डोकं हलकं वाटू शकतं. कधीकधी होणारी ही समस्या गंभीर नसली तरी ती वारंवार होत असेल, तर त्याकडे लक्ष देणं गरजेचं आहे. त्यासाठी उन्हाळ्यात जास्त प्रमाणात पाणी पित राहिलं पाहिजे, वेळेवर जेवण केलं पाहिजे. तसेच थकवा, कमी झोप किंवा उन्हामध्ये जास्त वेळ न राहता तुम्ही सुरक्षित राहीलं पाहिजे.

काही वेळा कमी रक्तदाब असणं नॉर्मल असतो, पण उभं राहताना तो खूपच कमी झाला, तर मेंदूकडे जाणारा रक्तपुरवठा तात्पुरता थांबू शकतो. त्यानेही डोळ्यासमोर अंधार येतो, धूसर दिसतं आणि बेशुद्ध पडण्यासारखी लक्षणं दिसू शकतात. म्हाताऱ्यांमध्ये किंवा वृद्धांमध्ये आधीपासून काही आजार असलेल्या लोकांमध्ये ही लक्षणं जास्त गंभीर ठरू शकतात. त्यामुळे ब्लड प्रेशरचा त्रास असलेल्यांनी उठताना किंवा बसताना घाई करणं टाळलं पाहिजे.

टीप : वरील माहिती आम्ही फक्त वाचक-प्रेक्षकांपर्यंत पोहचवत आहोत. याचं समर्थन अथवा दावा करत नाही. त्यामुळे कोणतेही उपचार, डाएट आणि औषधं तज्ज्ञांच्या सल्ल्यानं घ्यावीत.