भारतीय घरांमध्ये नाश्त्याला अनेक पदार्थ रोज बनवले जातात आणि खाल्ले जातात. बाहेरून पाहायला ते सगळे पौष्टिक वाटतात, पण काही पदार्थ वारंवार किंवा जास्त प्रमाणात खाल्ले तर शरीराला हानी पोहोचवतात. हे समजून घेतल्याने चव न गमावता आरोग्यासाठी योग्य पर्याय निवडता येतात.

पांढरा भात

पांढरा भात हलका, मऊ आणि पटकन शिजतो. त्यामुळे तो बहुतेक घरात रोज खाल्ला जातो. पण त्यात तंतुमय पदार्थ (फायबर) फारच कमी असतात. तो पटकन रक्तातील साखर वाढवतो आणि थोड्याच वेळात पुन्हा भूक लागते. त्यामुळे वजन वाढण्याचा धोका असतो. याऐवजी ब्राऊन राईस किंवा बाजरी, नाचणीसारखी मिलेट्स खाल्ल्यास पोट जास्त वेळ भरलेले राहते.

पराठे

पराठा चविष्ट आणि पोटभर वाटतो पण तो बहुतेक वेळा भरपूर तेल किंवा तुपात शिजलेला असतो. त्यामुळे शरीरात अतिरिक्त चरबी जमा होते. ही चरबी कोलेस्ट्रॉल वाढवते. त्याऐवजी साधी गव्हाची चपाती आणि भाज्या खाल्ल्यास तो हलका पण पोटभर पर्याय ठरतो.

डाळीत तेल किंवा तुपाचा अतिरेक

डाळ ही प्रोटीनचा चांगला स्रोत आहे आणि साधारणतः आरोग्यदायी मानली जाते. पण ज्यावेळी ती जास्त तेल किंवा तुपात बनवली जाते, तेव्हा ती पचायला जड होते आणि जास्त कॅलरीज देते. डाळ हलकी आणि पौष्टिक ठेवण्यासाठी कमी तेलात आणि तुपाशिवाय बनवणे योग्य आहे.

समोसा, भुजिया

समोसा, भुजिया यांसारखे पदार्थ सर्वत्र आवडीने खाल्ले जातात. पण ते खोल तळलेले असल्याने त्यात खूप चरबी आणि मीठ असते. यामुळे खराब कोलेस्ट्रॉल वाढतं आणि हृदयाला धोका निर्माण होतो.

पॅकबंद फ्रुट ज्युस

पॅकेटवर फळांपासून बनवलेला ज्यूस असं लिहिलेलं दिसलं तरी बहुतांश रसात फळांपेक्षा साखरच जास्त असते. ही साखर दातांना हानी पोहोचवते आणि रक्तातील साखरही पटकन वाढवते. ताजी फळं खाणं किंवा घरगुती रस बनवून पिणे हेच उत्तम.

पापड

पापड हा भारतीय जेवणात बहुतेक वेळा साईड डिश म्हणून दिला जातो. पण त्यात मीठ खूप जास्त असते आणि तो तळला तर तेलही जास्त जाते. रोज खाल्ल्यास जास्त मीठामुळे रक्तदाब वाढतो आणि हृदयाला त्रास होऊ शकतो. याऐवजी भाजलेला पापड खाणं किंवा ताज्या काकडीच्या फोडी वापरणं हा अधिक चांगला पर्याय आहे.

डिस्क्लेमर : वरील माहिती आम्ही फक्त वाचक-प्रेक्षकांना देत आहोत. आम्ही याचं समर्थन अथवा दावा करत नाही. कोणतेही उपचार, डाएट आणि औषधं तज्ज्ञांच्या सल्ल्यानंच घ्यावीत