आजकाल चुकीची जीवनशैली आणि अयोग्य आहार यामुळे बरेच आजार आपल्या मागे लागले आहेत. यामध्ये प्रामुख्याने जाणवणारी एक समस्या म्हणजे कोलेस्ट्रॉल. चुकीच्या आहारमुळे रक्तवाहिन्यांमध्ये कोलेस्ट्रॉलचं प्रमाण वाढू लागतं. यामुळे हार्ट डिसीज आणि हार्ट अटॅकचा धोका वाढतो.

तज्ज्ञांच्या म्हणण्यानुसार, कोलेस्ट्रॉल वाढलं की त्याची लक्षणं दिसून येतात. फार कमी लोकांना माहिती असेल पण आपल्या नखांवरही कोलेस्ट्रॉल वाढल्याचं लक्षण दिसून येतं. ही लक्षणं ओळखून उपचार घेणं गरजेचं असतं. जाणून घेऊया नखांवर कोणती लक्षणं दिसून येतात.

नखांवर उभ्या रेषा दिसून येणं

जर तुमच्या नखांवर उभ्या रेषा दिसत असतील तर सावध व्हा. याला ओन्कोरेक्सिस म्हणतात. पोषक घटकांची कमतरता आणि अशक्तपणा हे त्याचं कारण असू शकतं. हाय कोलेस्टेरॉल तुमच्या रक्त प्रवाहावर परिणाम करत. ज्यामुळे अनेकदा नखांमध्ये बदल होतात.

नखं वाकणं

शरीरात कोलेस्ट्रॉल वाढलं की तुमच्या नखांमध्ये बदल होतो. यामध्ये नखं काहीशी वाकलेली दिसू शकतात. हाय कोलेस्ट्रॉलमुळे शरीरात दीर्घकाळ ऑक्सिजनची कमतरता जाणवते. त्यामुळे हा बदल दिसू शकतो.

नखं निळी पडणं

कोलेस्ट्रॉल तुमच्या शरीरात जमा झाल्यावर नखं निळी पडू लागतात. अशावेळी नखं लगेच तुटूही लागतात. अशावेळी कोलेस्ट्रॉल तपासून घ्यावं.

नखं पिवळी दिसणं

वाईट कोलेस्ट्रॉलचं प्रमाण जास्त झाल्यास तुमची नखं पिवळी दिसू शकतात. हे नखांमध्ये रक्ताभिसरण योग्य प्रमाणात न झाल्यास दिसून येतं. अशावेळी डॉक्टरांचा सल्ला घेणं तुमच्यासाठी फायदेशीर ठरेल.

नखं वाकडी होणं

अधिकतर हा त्रास पायांच्या नखांमध्ये दिसून येतो. कोलेस्ट्रॉल वाढल्यानंतर पायापर्यंत ब्लड सर्क्युलेशन होत नाही. त्यामुळे नखांची वाढ हळू होते आणि वाकडी होऊ लागते.

टीप : वरील माहिती आम्ही फक्त वाचक-प्रेक्षकांपर्यंत पोहचवत आहोत. याचं समर्थन अथवा दावा करत नाही. त्यामुळे कोणतेही उपचार, डाएट आणि औषधं तज्ज्ञांच्या सल्ल्यानं घ्यावीत.