आपल्याकडे अनेकदा नाश्त्याला इडली सांबार बनवलं जातं. अनेकजण इडली बनवण्यासाठी Fruit salt चा वापर करतात. आजकाल बाजारात अनेक Fruit salt मिळतात. हे पाण्यात मिसळून याचं सेवन केल्यास त्वरित यापासून आराम मिळू शकतो.

Fruit salt घालून पीठ आंबवलं जातं. यामुळे पीठ लवकर फर्मेंट होतं. त्यामुळे बहुतेक लोक इडली बनवण्यासाठी त्याचा वापर करतात. Fruit salt चा वापर आरोग्यासाठी फायदेशीर आहे का? जेवणात Fruit salt चा वापर किती फायदेशीर आहे ते जाणून घेऊया.

किती प्रमाणात हानिकारक?

अन्नपदार्थांमध्ये Fruit salt घालून आंबवणं हे आरोग्यासाठी धोकादायक मानलं जातं. Fruit salt घातल्याने इडली, डोसे इत्यादी मऊ आणि चविष्ट बनतात. परंतु ते जास्त काळ आणि जास्त प्रमाणात याचं वापर करणं तुमच्या आरोग्या वापरणे आरोग्यासाठी हानिकारक ठरू शकते.

Fruit salt मध्ये असतं हे केमिकल

गॅस, अ‍ॅसिडिटी आणि अपचन यांसारख्या समस्यांपासून आराम मिळण्यासाठी Fruit salt उपयुक्त आहे. Fruit salt मध्ये सोडियम बायकार्बोनेट, सोडियम कार्बोनेट आणि सायट्रिक आम्ल यांचे मिश्रण असतं, जे पाण्यात विरघळल्यावर कार्बन डायऑक्साइड तयार करतं. हा घटक जे पोटातील वायू म्हणजेच गॅस निष्क्रिय करतं. यामुळे अपचन आणि गॅसपासून त्वरित आराम मिळतो.

Fruit salt चे हानिकारक परिणाम

रक्तदाबाचा धोका

Fruit salt मध्ये सोडियम बायकार्बोनेट असतं. ज्यामुळे तुमचा रक्तदाब वाढू शकतो. उच्च रक्तदाबाच्या रुग्णांनी सोडियम आणि सोडियम बायकार्बोनेटचे सेवन कमीत कमी केलं पाहिजे.

किडनीवर परिणाम

Fruit salt मध्ये असलेलं अँटासिड तुमच्या किडनीवर वाईट परिणाम करू शकतं. मर्यादित प्रमाणात अँटासिड्स घेतल्याने आरोग्यावर कोणताही विशेष परिणाम होत नाही. मात्र दीर्घकाळ याचं सेवन केल्याने किडनीवर परिणाम होऊ शकतो.

हृदय

फळांच्या मीठात सोडियम कार्बोनेट आढळतं. ज्यामुळे रक्तदाब वाढण्याचा धोका असतो. उच्च रक्तदाबामुळे हृदयविकाराचा झटका आणि स्ट्रोक सारख्या हृदयरोगांचा धोका वाढू शकतो.

डिस्क्लेमर : वरील माहिती आम्ही फक्त वाचक-प्रेक्षकांना देत आहोत. आम्ही याचं समर्थन अथवा दावा करत नाही. कोणतेही उपचार, डाएट आणि औषधं तज्ज्ञांच्या सल्ल्यानंच घ्यावीत