IBPS Clerk Vacancy : बँकेत काम करण्याचे स्वप्न बघणाऱ्या तरुणांनो तयारी लागा. बँकेमध्ये काम करण्यासाठी इच्छूक असणाऱ्या तरुणांसाठी महत्त्वाची बातमी आहे. देशभरात विविध पदांसाठी बँकेमध्ये भरती सुरु होणार आहे.

देशभरात विविध राष्ट्रीयीकृत बँकांमध्ये लिपिक वर्गातील हजारो पदांची भरती होणार आहे. या पदांच्या अर्जाची प्रक्रिया ही १ जुलैपासून सुरु झाली आहे. इन्स्टिट्यूट ऑफ बँकिंग पर्सोनेल सिलेक्शन (IBPS) ने शुक्रवार, 30 जून 2023 रोजी जारी केलेल्या अधिसूचनेनुसार, IBPS लिपिक (13) परीक्षा 2023 (CRP Clerks-XIII) या वेळी 4045 पदांसाठी आयोजित केली जाईल.

1. कोणत्या बँकेत आहेत रिक्त जागा

IBPS द्वारे दरवर्षी लिपिक परीक्षा (Exam) घेतली जाते. या परीक्षेद्वारे बँकामध्ये (Bank) लिपिकांच्या पदांसाठी थेट भरती केली जाते. बँक ऑफ बडोदा, बँक ऑफ इंडिया, बँक ऑफ महाराष्ट्र, कॅनरा बँक, सेंट्रल बँक ऑफ इंडिया, इंडियन बँक, इंडियन ओव्हरसीज, पंजाब नॅशनल बँक, पंजाब अँड सिंध बँक, यूको बँक आणि युनियन बँक ऑफ इंडिया यांचा समावेश असलेल्या बँकांमध्ये सामान्यतः भरती केली जाऊ शकते.

2. पात्रता

• IBPS लिपिक परीक्षेसाठी कोणत्याही शाखेतून पदवीधर झालेल्या विद्यार्थ्यांना अर्ज करता येणार आहे.

• उमेदवाराचे वय (Age) किमान २० वर्ष ते कमाल २८ वर्षांपर्यंत असायला हवे.

• यामध्ये SC, ST, OBC, EWS, दिव्यांग यांना केंद्र सरकारच्या नियमांनुसार वयोमर्यादेत सूट दिली जाईल.

3. शेवटची तारीख कधी ?

IBPS लिपिक पदासाठी अर्ज भरण्यासाठी आजपासून सुरुवात झाली आहे तर शेवटची तारीख ही २१ जुलै आहे.

4. कसा कराल अर्ज

उमेदवार IBPS संस्थेच्या अधिकृत वेबसाइट ibps.in वर अर्ज करू शकतील.