How To Make Gajarcha Shahi Halwa :

हिवाळा सुरु झाला की, बाजारात सर्वत्र गाजर पाहायला मिळतात. त्यात मार्गशीर्ष महिना म्हटलं की, हमखास गोडाचा पदार्थ म्हणून गाजरचा हलवा बनवला जातो. गाजरचा हलवा चाखण्याचा आनंद देखील दरवेळी वेगळाच असतो.

गाजराचा हलवा बनवताना त्याचा खिसावे लागते. त्यामुळे हा हलवा बनवताना अनेकदा नाकी नऊ येतात. परंतु, आम्ही तुम्हाला काही सोप्या टीप्स सांगणार आहोत. ज्याच्या मदतीने तुम्ही सोप्या ट्रिक्सने शाही गाजरचा हलवा बनवू शकता, पाहूया रेसिपी (Recipes)

1. साहित्य

• गाजर - अर्धा किलो

• मावा - २०० ग्रॅम

• दूध (Milk) - अर्धा लीटर

• साखर (Sugar) - २५० ग्रॅम

• वेलची - ४ ते ५

• सुका मेवा

• तूप

2. कृती

• गाजरचा हलवा बनवण्यासाठी सर्वात आधी ते धुवून सोलून घ्या. गाजर किसण्याऐवजी त्याचे तुकडे करुन प्रेशर कुकरमध्ये ठेवा.

• ५ शिट्ट्या झाल्यावर गॅस बंद करा. कुकरमधून गाजर काढा. ते मॅश करुन घ्या.

• त्यानंतर गाजर पॅनमध्ये घेऊन त्यातील सगळे पाणी काढून टाका.

• पाणी सुकल्यावर गाजर काढून घ्या, त्याच कढईत तूप घाला. गाजर तूपात चांगले शिजवून घ्या.

• गाजराचा रंग सोनेरी झाल्यानंतर त्यात दूध घालून गाजर नीट शिजवून घ्या.

• गाजरचे मिश्रण घट्ट झाल्यानंतर त्यात मावा आणि वेलची घाला. मंद आचेवर २ मिनिटे शिजवून घ्या.

• ड्रायफ्रूट्स घालून सर्व्ह करा गाजरचा शाही हलवा.