बदलत्या जीवनशैलीमुळे शरीराला अनेक समस्यांना सामोरे जावे लागते. त्यातच चुकीच्या जीवनशैलीचा परिणाम थेट शरीरावर होतो. त्यातीलच कोलेस्ट्रॉल हा नजरेला न दिसणारा भयानक आजार आहे. ज्याचा परिणाम तुमच्या शरीरातल्या कोणत्याही भागात दिसू शकतो. बहुतेक लोकांना वाटतं की कोलेस्ट्रॉलची समस्या फक्त हृदयावर परिणाम करते, पण त्याचा परिणाम त्वचेदेखील होताना दिसतो.

जर तुम्हाला त्वचेवर काही वेगळे बदल पाहत असाल, तर त्याकडे दुर्लक्ष करू नका, ही लक्षणे आपल्याला सांगतात की शरीरातील कोलेस्ट्रॉलची पातळी धोक्याच्या मर्यादेपेक्षा जास्त झाली आहे. चला जाणून घेऊया त्वचेवर दिसणारी ५ प्रमुख लक्षणे कोणती आहेत?

१. डोळ्यांच्या आजूबाजूला पिवळसर डाग

जर डोळ्यांच्या आजूबाजूला किंवा पापण्यांवर छोटे पिवळसर डाग दिसत असतील, तर हे गंभीर लक्षण ठरू शकते. याला झॅन्थेलास्मा (Xanthelasma) असं म्हणतात. जे रक्तामधील कोलेस्ट्रॉलची पातळी वाढलीये हे दर्शवते. याने तुम्हाला कोणत्याही वेदना होत नाहीत. पण वाढल्यास हृदयाच्या आरोग्यावरही परिणाम होऊ शकतो.

२. हात व पायांवर पिवळसर किंवा डाग

जर त्वचेवर छोटे पिवळसर किंवा मेणासारखे गोठलेले डाग दिसत असतील, तर हे उच्च कोलेस्ट्रॉलचे लक्षण असू शकतं. याला झॅन्थोमा (Xanthoma) म्हणतात, जे शरीरात अतिरिक्त फॅट जमा झाल्यामुळे तयार होतात. हे डाग हाताच्या कोपर्‍यावर, गुडघ्यावर, हातांवर आणि पायांवर दिसतात.

३. त्वचेत खाज सुटणे आणि जळजळ

जर त्वचेवर कोणत्याही कारणाशिवाय जळजळ, खाज किंवा लालसरपणा जाणवत असेल, तर हे LDL (वाईट कोलेस्ट्रॉल) वाढल्याचे लक्षण असू शकते. उच्च कोलेस्ट्रॉलमुळे रक्तवाहिन्यांमध्ये अडथळा निर्माण होतो, ज्यामुळे त्वचेपर्यंत योग्य प्रमाणात ऑक्सिजन पोहोचत नाही आणि त्वचा खाज सुटू लागते.

४. पाय थंड राहणे

आपले पाय नेहमी थंड का असतात? किंवा लहान जखमा बऱ्याच वेळाने का बरी होतात? हे उच्च कोलेस्ट्रॉलमुळे रक्ताभिसरणावर होणाऱ्या परिणामांचे लक्षण असू शकते. रक्तवाहिन्यांमध्ये प्लाक जमा होऊन रक्तप्रवाह कमी होतो, ज्यामुळे पाय व हात थंड होतात आणि जखमा उशीराने बऱ्या होतात.

५. त्वचेचा लालसर किंवा काळसर होणे

लांब वेळेपासून त्वचा लालसर किंवा काळसर दिसत असल्यास, हेही उच्च कोलेस्ट्रॉलशी संबंधित असू शकते. रक्ताभिसरणात अडथळा आणि ऑक्सिजनची कमतरता त्वचेला रंग बदलवू शकते.