Holi 2024:

होळी हा आनंदाचा, उत्साहाचा आणि रंगांचा सण. होळीला होळी पौर्णिमा, होलिकोत्सव, होलिकादहन अशा विविध नावांनी ओळखले जाते. फाल्गुन पौर्णिमेच्या दिवशी होळीचा सण मोठ्या थाटामात साजरा केला जातो.

यंदा हा सण २४ मार्चला साजरा केला जाणार आहे. होळी हा सण (Festival) उत्तर भारतामध्ये मोठ्या उत्साहात साजरा (Celebrate) केला जातो. या उत्सवाला होलिकादहन, होळी, शिमगा, हुताशनी महोत्सव, फाग, फागुन दोलायात्रा, कामदहन यांसारख्या विविध नावाने ही ओळखले जाते.

फाल्गुन महिन्याच्या शेवटच्या दिवशी साजरा होणाऱ्या या सणाला फाल्गुनोत्सव असे म्हणतात. यानंतर वसंतोत्सवारंभ सुरु होतो. हिंदू धर्माच्या मान्यतेनुसार हा सण श्रीकृष्णाचा आवडची सण आहे. त्यामुळे मथुरा, वृंदावन, बनारस, गोकुळ या ठिकाणी मोठ्या उत्साहात साजरा केला जातो. जाणून घेऊया शुभ मुहूर्त आणि पूजा पद्धत

1. होळीची तारीख आणि वेळ (Date and Time)

यंदा होळीचा सण (Holi Festival) हा २४ मार्चला साजरा करण्यात येणार आहे. तर दुसऱ्या दिवशी धूलिवंदनाचा सण हा २५ मार्चला साजरा केला जाईल. पंचागानुसार होळी पौर्णिमा ही २४ मार्चला सकाळी ९.५४ मिनिटांनी सुरु होईल तर दुसऱ्या दिवशी २५ मार्चला दुपारी १२.२९ वाजता समाप्त होईल.

2. होलिका दहन पूजनाचे साहित्य (Puja Samagri)

हळदी-कुंकू, अक्षता, फुले, हार, कापूस, नारळ, पाण्याने भरलेला कलश, नैवेद्यासाठी पुरणपोळी

3. होलिका पूजन पद्धत (Puja Process)

सर्वात आधी होलिका पूजन करताना पाण्याचा अर्घ्य देत होलिका मातेला प्रदक्षिणा घाला. नारळ अर्पण करुन नैवेद्य दाखवा. प्रदिक्षणा घातल्यामुळे तुमच्या मनातील वाईट विचार आणि नैराश्य दूर होते.