सध्या बदलती जीवनशैली आणि खाण्यापिण्याच्या सवयींमुळे थेट नागरिकांच्या आरोग्यावर परिणाम होत आहे. दरम्यान, अनेक लहान मुलांच्या आरोग्यावरही याचा वाई परिणाम होत आहे. सध्या तर हृदयविकाराचे प्रमाण दिवसेंदिवस वाढतच आहे. लहानांपासून ते मोठ्यापर्यंत अनेकांना हृदयाचे आजार आहेत. यामुळे हृदयविकाराच्या झटक्याने अनेकांचे मृत्यूदेखील झाले आहेत. अशातच हृदयविकाराबाबत एक महत्त्वाचा अहवाल समोर आला आहे.

देशात ५ ते ९ वयोगटातील मुलांना हृदयविकाराचे आजार होऊ शकतात. एक तृतीयांश मुलांमध्ये ट्रायग्लिसराइड्सचे प्रमाण जास्त आहे. विशेष म्हणजे पश्चिम बंगाल, जम्मू काश्मीर, ईशान्य भारतातील राज्यांमधील मुलांमध्ये हे प्रमाण सर्वाधिक आढळले. महाराष्ट्रात १९.१ टक्के आहे. ट

ट्रायग्लिसराइड्स हा रक्तातील चरबीचा एक प्रकार आहे. हे जर उच्च पातळीवर असेल तर मुलांना भविष्यात हृदयविकार होण्याचा धोका असतो. सरकारने चिल्ड्रेन इन इंडिया २०२५' हा अहवाल तयार केला असून त्यातून ही माहिती समोर आली आहे.

१६ टक्के मुलांमध्ये सर्वाधिक प्रमाण

जन्मावेळी ऑक्सिजनचा अभाव, झालेली दुखापत तसेच न्यूमोनिया या कारणांनी बाळांचे मृत्यू होतात. देशात १६ टक्के किशोरवयीन मुलांमध्ये ट्रायग्लिसराइड्सचे प्रमाण जास्त असल्याचे आढळले आहे.

या राज्यातील मुलांमध्ये रक्तातील चरबीचे प्रमाण जास्त

पश्चिम बंगाल ६७%

सिक्कीम ६४%

नागालँड ५५%

आसाम ५७%

जम्मू-काश्मीर ५०%

महाराष्ट्र १९.१%

केरळ १६.६%

ट्रायग्लिसराइड्स कसं कमी करायचं ?

जेवणात साखर, प्रोसेस्ड फूड आणि शीतपेये यांचे प्रमाण कमी करणे.

जास्त कॅलरी असलेले पदार्थ टाळा. हेल्दी लाइफस्टाइल जगा

रोज व्यायाम करा. मद्यपान करुन नये.

मधुमेह किंवा इतर आजार असल्यास नियमित उपचार घ्या. साखर नियंत्रणात ठेवा.